બદામ પોષક તત્વોનો ખજાનો છે, જે કોલેસ્ટ્રોલ ઘટાડવા અને શરીરને સ્વસ્થ રાખવા માટે ખૂબ જ ફાયદાકારક છે.

પરંતુ, તેનો સંપૂર્ણ લાભ મેળવવા માટે તેને સૂકી ખાવી કે પલાળીને, તે જાણવું અત્યંત જરૂરી છે.

શું છે સમસ્યા?: બદામની છાલમાં 'ટેનીન' નામનું એક તત્વ હોય છે, જે પોષક તત્વોના શોષણને અવરોધે છે.

જ્યારે તમે સૂકી બદામ ખાઓ છો, ત્યારે આ ટેનીન પાચનતંત્ર પર નકારાત્મક અસર કરી શકે છે.

ખાસ કરીને જે લોકોનું પાચનતંત્ર નબળું હોય, તેમના માટે સૂકી બદામ પચાવવી મુશ્કેલ બની શકે છે.

શું છે સાચી રીત?: બદામને 6-8 કલાક પાણીમાં પલાળીને રાખવાથી તેની છાલમાં રહેલું ટેનીન તત્વ નીકળી જાય છે.

પલાળવાથી બદામ નરમ અને સુપાચ્ય બને છે, જેનાથી શરીર તેના પોષક તત્વોને સરળતાથી શોષી શકે છે.

પલાળેલી બદામ ખાવાથી પાચન સંબંધિત કોઈ સમસ્યા થતી નથી અને તેના ફાયદા પણ બમણા થઈ જાય છે.

ઉપવાસ દરમિયાન ઉર્જા મેળવવા માટે પણ પલાળેલી બદામ ખાવી એ એક ઉત્તમ વિકલ્પ છે.

આમ, નિષ્ણાતો હંમેશા બદામને સૂકી ખાવાને બદલે રાત્રે પલાળીને સવારે ખાવાની સલાહ આપે છે.