ઉનાળામાં વજન ઘટાડવા માટે વધુ પાણી અને ઓછી કેલરીવાળા ફળો આહારમાં લેવા જોઈએ.

તરબૂચમાં 92% પાણી હોય છે અને 100 ગ્રામમાં માત્ર 30 કેલરી જોવા મળે છે.

તેમાં રહેલું ‘લાઇકોપિન’ મેટાબોલિઝમ તેજ કરી હૃદયના સ્વાસ્થ્યમાં સુધારો કરે છે.

તરબૂચ ખાવાથી પેટ જલ્દી ભરાઈ જાય છે, જે ઓવરઈટિંગ રોકવામાં મદદરૂપ છે.

શક્કરટેટીમાં 90% પાણી હોય છે અને તેમાં 100 ગ્રામ દીઠ આશરે 34-35 કેલરી હોય છે.

ટેટીમાં તરબૂચ કરતા ફાઈબર વધુ હોય છે, જે લાંબા સમય સુધી પેટ ભરેલું રાખે છે.

તે વિટામિન-એ અને સીથી ભરપૂર હોવાથી શરીરની રોગપ્રતિકારક શક્તિ વધારે છે.

પાચનતંત્ર મજબૂત કરવા અને પેટ સાફ રાખવા માટે ટેટી એક ઉત્તમ વિકલ્પ છે.

વજન ઘટાડવા અને ચરબી ઓગાળવા માટે આ બંને ફળો ડાયટમાં સામેલ કરવા હિતાવહ છે.

શ્રેષ્ઠ પરિણામ માટે માત્ર એક ફળ પર નિર્ભર ન રહેતા સંતુલિત આહાર અને કસરત પર ધ્યાન આપવું.