આપણામાંથી મોટાભાગના લોકોની સવાર 'બેડ ટી' (Bed Tea) થી થાય છે, પરંતુ ડોક્ટરના મતે આ આદત શરીરને નુકસાન પહોંચાડી રહી છે.

નિષ્ણાંતોના મતે, સવારે ખાલી પેટે દૂધવાળી ચા પીવી સ્વાસ્થ્ય માટે હાનિકારક છે.

શું છે કારણ?: ચા માં 'ટેનિન' (Tannins) નામનું કુદરતી તત્વ હોય છે, જે પેટની અંદરના સંવેદનશીલ પડને બગાડી શકે છે.

ખાલી પેટે, ખાસ કરીને કડક ચા પીવાથી એસિડિટી, પેટમાં બળતરા (હાર્ટબર્ન) અને અપચા જેવી સમસ્યાઓ શરૂ થઈ શકે છે.

સૌથી ખતરનાક આદત: ચા સાથે નમકીન, બિસ્કિટ અથવા તળેલા નાસ્તા ખાવાનું કોમ્બિનેશન સ્વાસ્થ્ય માટે વધુ જોખમી છે.

ચા સાથે તળેલો કે મસાલેદાર નાસ્તો ખાવાથી પેટમાં એસિડનું સ્તર ઝડપથી વધે છે, જેનાથી ગેસ અને ભારેપણું અનુભવાય છે.

આ ખોટું કોમ્બિનેશન લાંબા ગાળે લિવર પર કામનો બોજ પણ વધારે છે.

શું છે ઉપાય?: ડોક્ટરના મતે, ચા છોડવાની જરૂર નથી, પરંતુ તેને પીવાની રીત સુધારવી જરૂરી છે.

ચા ક્યારેય ખાલી પેટે ન પીવી જોઈએ. હંમેશા હળવા નાસ્તા સાથે જ તેનું સેવન કરો જેથી પેટમાં એસિડ જમા ન થાય.

જો તમને વારંવાર એસિડિટી થતી હોય, તો દૂધવાળી ચા ને બદલે હર્બલ ટી અથવા આદુવાળી ચા પીવી વધુ સારી છે, કારણ કે તે પાચન સુધારે છે.