ખરાબ કોલેસ્ટ્રોલને 'સાઈલન્ટ કિલર' કહેવામાં આવે છે, કારણ કે શરૂઆતમાં તેના કોઈ ખાસ લક્ષણો દેખાતા નથી, પરંતુ તે હાર્ટ એટેકનું જોખમ વધારે છે.

જ્યારે શરીરમાં ખરાબ કોલેસ્ટ્રોલનું સ્તર ખૂબ વધી જાય છે, ત્યારે શરીર કેટલાક સંકેતો આપવાનું શરૂ કરે છે, જેને અવગણવા ન જોઈએ.

1. છાતીમાં દુખાવો કે ભારેપણું: લોહીની નસોમાં ચરબી જમા થવાને કારણે હૃદય સુધી લોહી પહોંચવામાં તકલીફ પડે છે, જેનાથી છાતીમાં દુખાવો થઈ શકે છે.

2. ચામડી પર પીળા ડાઘા: આંખોની આસપાસ અથવા શરીરના અન્ય ભાગોની ચામડી પર પીળા રંગના ડાઘા કે ઉપસેલા દાણા દેખાય તો તે કોલેસ્ટ્રોલ જમા થવાનો સંકેત છે.

3. શ્વાસ લેવામાં તકલીફ: કોલેસ્ટ્રોલ વધવાથી હૃદય પર દબાણ વધે છે, જેના કારણે થોડું કામ કરતાં જ શ્વાસ ફૂલી જવાની સમસ્યા થઈ શકે છે.

4. હાથ-પગમાં ઝણઝણાટી: શરીરમાં લોહીનું પરિભ્રમણ ધીમું પડવાને કારણે હાથ અને પગમાં વારંવાર ઝણઝણાટી થવી, ખાલી ચડી જવી કે નબળાઈ અનુભવાય છે.

આ લક્ષણો સિવાય, વધુ પડતો થાક લાગવો અને માથાનો દુખાવો પણ કોલેસ્ટ્રોલ વધવાના સંકેત હોઈ શકે છે.

કોને છે વધુ જોખમ?: સ્થૂળતા, ધૂમ્રપાન, કસરતનો અભાવ અને બિનઆરોગ્યપ્રદ આહાર કોલેસ્ટ્રોલ વધવાના મુખ્ય કારણો છે.

તહેવારો પછી, જો તમને આમાંથી કોઈ લક્ષણ જણાય, તો તેને સામાન્ય ગણીને અવગણશો નહીં.

સમયસર લોહીની તપાસ (લિપિડ પ્રોફાઇલ ટેસ્ટ) કરાવીને અને ડોક્ટરની સલાહ લઈને તમે ગંભીર બીમારીઓથી બચી શકો છો.