સવારે ઉઠવામાં આળસ આવવી સ્વાભાવિક છે. આળસ ભરેલી સવારને તાજગીભરી બનાવવા માટે રાત્રિની કેટલીક આદતો સુધારવી જરૂરી છે.

રાત્રિભોજનનો સમય: રાત્રે સૂવાના 2-3 કલાક પહેલાં, એટલે કે 7 થી 8 વાગ્યાની વચ્ચે જમી લો, જેથી ખોરાકને પચવા માટે પૂરતો સમય મળે.

હળવું ભોજન: રાત્રે વધુ પડતું તળેલું, મસાલેદાર કે ભારે ભોજન ટાળો. પચવામાં સરળ અને પૌષ્ટિક ખોરાક લો.

જમ્યા પછી ચાલવું: જમ્યા પછી 10-15 મિનિટ ચાલવાની આદત પાડો. તે પાચનમાં મદદ કરે છે અને સવારે પેટ હલકું રહે છે.

ઊંઘનો સમય નક્કી કરો: રોજ રાત્રે 10 વાગ્યે સૂઈને સવારે 6 વાગ્યે ઉઠવાનો નિયમ બનાવો. 7-8 કલાકની પૂરતી ઊંઘ જરૂરી છે.

સ્ક્રીન ટાઈમ ઘટાડો: સૂવાના ઓછામાં ઓછા એક કલાક પહેલાં મોબાઈલ, ટીવી અને લેપટોપ જેવા ગેજેટ્સ બંધ કરી દો.

સ્ક્રીનમાંથી નીકળતી વાદળી રોશની (Blue Light) ઊંઘમાં ખલેલ પહોંચાડે છે અને માનસિક તણાવ વધારે છે.

રાત્રે ચા, કોફી, મીઠાઈઓ અને ખાંડવાળા પીણાંનું સેવન કરવાનું ટાળો, કારણ કે તે ઊંઘને બગાડી શકે છે.

આ સરળ આદતો તમારા શરીરના કુદરતી ચક્ર (Body Clock) ને સેટ કરવામાં મદદ કરે છે.

રાત્રિની સારી આદતો જ સવારને ઉર્જાવાન, સકારાત્મક અને આળસ મુક્ત બનાવવાની ચાવી છે.