છાતીમાં થતા દરેક દુખાવાને ગેસનો દુખાવો સમજવાની ભૂલ જીવલેણ સાબિત થઈ શકે છે.

ગેસનો દુખાવો: સામાન્ય રીતે ઓડકાર ખાવાથી, ગેસ પાસ કરવાથી કે પોઝિશન બદલવાથી તેમાં રાહત મળે છે.

આ દુખાવો તીક્ષ્ણ, ચૂંક જેવો કે બળતરા જેવો હોય છે અને થોડા સમયમાં મટી જાય છે.

હાર્ટ એટેકનો દુખાવો: ઓડકાર કે પોઝિશન બદલવાથી મટતો નથી, બલ્કે તે સતત ચાલુ રહે છે અથવા વધે છે.

આ દુખાવો છાતીમાં ભારેપણું, દબાણ કે ભીંસ અનુભવાવા જેવો હોય છે.

તે છાતીમાંથી શરૂ થઈને ડાબા હાથ, જડબા, ગરદન કે પીઠ સુધી ફેલાઈ શકે છે.

તેની સાથે શ્વાસ લેવામાં તકલીફ, ઠંડો પરસેવો, ચક્કર આવવા કે ઉબકા જેવી સમસ્યાઓ પણ થાય છે.

ગેસનો દુખાવો થોડા સમય માટે હોય છે, જ્યારે હાર્ટ એટેકનો દુખાવો 10 મિનિટથી વધુ ટકી શકે છે.

જો દુખાવો સતત રહે અને તેની સાથે અન્ય ગંભીર લક્ષણો દેખાય, તો તેને ગેસ સમજીને અવગણશો નહીં.

વિલંબ કર્યા વિના તાત્કાલિક ડોક્ટરનો સંપર્ક કરો, કારણ કે હાર્ટ એટેકમાં દરેક મિનિટ કિંમતી હોય છે.