શારીરિક અને માનસિક સ્વાસ્થ્ય જાળવવા માટે દરરોજ ચાલવું (વોકિંગ) ખૂબ જ મહત્વપૂર્ણ છે.

ઘણા લોકો ફિટ રહેવા માટે દરરોજ 10,000 પગલાં ચાલવાનો લક્ષ્યાંક રાખતા હોય છે.

પરંતુ શું તમે જાણો છો કે 10,000 પગલાંમાં તમે ખરેખર કેટલું અંતર કાપો છો?

સંશોધન મુજબ, 10,000 પગલાં ચાલવાથી વ્યક્તિ સરેરાશ 7 થી 8 કિલોમીટરનું અંતર કાપે છે.

જોકે, આ અંતર દરેક વ્યક્તિ માટે અલગ અલગ હોઈ શકે છે.

તેનો મુખ્ય આધાર વ્યક્તિની ઊંચાઈ અને તેના ચાલવાની ગતિ (એટલે કે પગલાની લંબાઈ) પર રહેલો છે.

જેમ કે, લાંબા પગલાં ભરનાર વ્યક્તિ, ટૂંકા પગલાં ભરનાર વ્યક્તિ કરતાં 10,000 પગલાંમાં વધુ અંતર કાપશે.

ભલે અંતર ગમે તેટલું કપાય, દરરોજ 10,000 પગલાં ચાલવાથી સ્વાસ્થ્યને અદ્ભુત ફાયદા થાય છે.

આ આદત તમને 4 ગંભીર બીમારીઓના જોખમથી બચાવવામાં મદદ કરે છે.

નિયમિત ચાલવાથી હૃદય રોગ, સ્થૂળતા, ડાયાબિટીસ અને હાઈ બ્લડ પ્રેશર જેવી બીમારીઓનું જોખમ નોંધપાત્ર રીતે ઘટી જાય છે.