દૂધને બગડતું અટકાવવા માટે તેને ઉકાળવું એ ભારતીય ઘરોમાં એક સામાન્ય પ્રથા છે, પરંતુ તેને લગતા કેટલાક નિયમો જાણવા જરૂરી છે.

નિષ્ણાતોના મતે, દૂધને વારંવાર ઉકાળીને ગરમ કરવાથી તેમાં રહેલા જરૂરી પોષક તત્વોનો નાશ થાય છે.

આમ કરવાથી દૂધના પ્રોટીન અને વિટામિન્સ જેવા કે B2 અને B12 નું પોષણ મૂલ્ય ઘટી જાય છે.

સાચો નિયમ: દૂધને એકવાર સારી રીતે ઉકાળી લીધા પછી, તેને વારંવાર ઉકાળવાનું ટાળવું જોઈએ.

જ્યારે ફ્રિજમાંથી કાઢેલું ઠંડુ દૂધ પીવું હોય, ત્યારે તેને ફરીથી ઉકાળવાને બદલે માત્ર હુંફાળું ગરમ કરવું જ પૂરતું છે.

આમ કરવાથી દૂધના પોષક તત્વો જળવાઈ રહે છે અને તે પીવા માટે સલામત પણ રહે છે.

કેટલા સમય સુધી વાપરવું?: એકવાર ઉકાળેલું દૂધ ફ્રિજમાં રાખીને 2 થી 3 દિવસ (72 કલાક) સુધી વાપરી શકાય છે.

જોકે, પ્રયાસ કરવો કે 72 કલાક જૂના દૂધને આગામી 12 કલાકમાં વાપરી લેવું.

જો 3 દિવસથી વધુ સમય થઈ ગયો હોય, તો દૂધને ફરીથી સંપૂર્ણપણે ઉકાળીને અને ફાટ્યું નથી તેની ખાતરી કરીને જ વાપરવું.

આમ, દૂધને વારંવાર ઉકાળવાની ભૂલ ટાળીને તમે તેના પોષણનો સંપૂર્ણ લાભ મેળવી શકો છો.