બિનઆરોગ્યપ્રદ લાઈફસ્ટાઈલ અને ખાવાની ખોટી આદતોને કારણે સ્થૂળતા એક સામાન્ય સમસ્યા બની ગઈ છે, જે ડાયાબિટીસ જેવી બીમારીઓને નોતરે છે.

વજન ઘટાડવા માટે કસરતની સાથે-સાથે યોગ્ય આહાર અને દિનચર્યા પણ ખૂબ જ મહત્વપૂર્ણ છે.

જો તમારી પાસે જીમમાં જવાનો સમય ન હોય, તો સવારની આ 3 સરળ આદતો અપનાવીને પણ તમે વજન ઘટાડી શકો છો.

આદત ૧: દિવસની શરૂઆત પાણીથી કરો: સવારે ઉઠતાની સાથે જ એક ગ્લાસ પાણી પીઓ. તમે હૂંફાળા પાણીમાં લીંબુનો રસ ઉમેરીને પણ પી શકો છો.

આનાથી શરીર તાજગી અનુભવશે, મેટાબોલિઝમ સુધરશે અને લાંબા સમય સુધી પેટ ભરેલું લાગશે, જેથી તમે વધુ પડતું ખાવાથી બચી શકશો.

આદત ૨: ચાલવું કે કસરત કરવી: સવારનો સમય ચાલવા, યોગા કે કસરત માટે શ્રેષ્ઠ છે.

દરરોજ માત્ર 20 થી 30 મિનિટ ચાલવાથી કે યોગા-સ્ટ્રેચિંગ કરવાથી કેલરી બર્ન થાય છે, જે વજન ઘટાડવામાં મદદ કરે છે.

આદત ૩: યોગ્ય દિનચર્યા (પૂરતી ઊંઘ): તમારી દિનચર્યામાં ઊંઘનું ખૂબ જ મહત્વ છે. દરરોજ 7 થી 8 કલાકની ઊંઘ લેવી જરૂરી છે.

ઊંઘનો અભાવ તમારા સ્વાસ્થ્યને નુકસાન પહોંચાડે છે અને વજન વધારી શકે છે.

વહેલા સૂવાની અને સવારે વહેલા ઉઠવાની આદત પાડો. સૂતા પહેલાં મોબાઈલ કે ટીવી જેવા સ્ક્રીનથી દૂર રહો.