બરાક-મિશેલે કરી રેકોર્ડ બ્રેકિંગ બુક ડિલ, મળશે 400 કરોડ, જાણો શું છે ડિલ

વોશિંગ્ટનઃ ન્યૂયોર્કની પ્રકાશન કંપની પેંગ્વિન રેન્ડમ હાઉસને અમેરિકાના પૂર્વ રાષ્ટ્રપતિ બરાક ઓબામા અને તેમની પત્ની મિશેલ ઓબામા સાથે બુકનો કોન્ટ્રાક્ટ મળ્યો છે. પેંગ્વિન તરફથી જાહેર એક નિવેદનમાં કહેવામાં આવ્યું કે કંપનીને બે પુસ્તકનું વૈશ્વિક પ્રકાશન કરવાના રાઈટ્સ મળ્યા છે. જેને બરાક ઓબામા અને તેમની પત્ની લખશે.

કહેવામાં આવી રહ્યું છે કે આ ડીલ અત્યાર સુધીના રાષ્ટ્રપતિઓના લખેલા સંસ્મરણોમાં સૌથી મોંઘી છે.

પેંગ્વિને કહ્યું છે કે ડીલ મુજબ કંપની ચેરિટી સંસ્થા ફર્સ્ટ બૂકને ઓબામા પરિવારના નામ પર 10 લાખ પુસ્તકો દાન કરશે. ઓબામા અગાઉ બે સંસ્મરણ અને બાળકો પર એક પુસ્તક લખી ચૂક્યા છે. ઓબામા પહેલા પણ જાહેરાત કરી ચૂક્યા હતા કે તેઓ લેખન સારી રીતે જાણે છે. સાથે જ ઓબામાએ કહ્યું કે વ્હાઈટ હાઉસમાં વીતાવેલા દિવસો પર પારંપરિક પુસ્તક નહી લખે. માનવામાં આવી રહ્યું છે કે ઓબામાની પત્ની મિશેલના પુસ્તક પર બધાનું ધ્યાન છે. પેંગ્વિન રેંડમ હાઉસના સીઈઓએ કહ્યું કે અમે પૂર્વ રાષ્ટ્રપતિ અને મિશેલની સાથે કામ કરવા ઉત્સુક છીએ.

એક રિપોર્ટ પ્રમાણે આ કરારની શરતો અંગે કોઈ ખુલાસો કરવામાં આવ્યો નથી, પણ આ ડીલ 60 કરોડ ડોલર (અંદાજે 400 કરોડ રૂપિયા)માં નક્કી થઈ છે. આ પુસ્તકમાં બરાક અને મિશેલે વ્હાઈટ હાઉસમાં ગાળેલા સમયની મહત્વની વાતોનો સમાવેશ હોય શકે છે. જો કે આ અંગે કોઈ ખાસ જાહેરાત કરવામાં આવી નથી.