બ્રાઝિલની યુવતીને FB પર ભારતીય યુવક સાથે થયો પ્રેમ, જાણો પછી શું થયું

દિલ્હી પોલીસ અને બ્રાઝિલ એમ્બેસીના અધિકારીઓ ગુરુવારે રાતે સાઢૌરા પહોંચ્યા અને માર્થાને મળ્યા. સાઢૌરા પોલીસ-સ્ટેશનમાં માર્થાએ નિવેદન આપ્યું કે તે પોતાની મરજીથી અહીંયા આવી છે. રાતે જ દિલ્હી પોલીસ અને બ્રાઝિલ એમ્બેસીના અધિકારીઓ માર્થાને પોતાની સાથે લઇને રવાના થઇ ગયા. માર્થા 14 સપ્ટેમ્બરે દિલ્હી પહોંચી ગઇ હતી. દિલ્હી એરપોર્ટથી અનંત તેને લેવા પહોંચ્યો હતો. અનંતે જણાવ્યું કે ત્યારબાદ તે માર્થાને પોતાને ઘરે લઇ આવ્યો. અનંતે જણાવ્યું કે માર્થાના તેના પતિ જોડે મતભેદ હોવાના કારણે પરેશાન છે. તે માર્થા માટે બ્રાઝિલ જવા માટે પણ તૈયાર છે. અમે બન્નેએ લગ્ન કરવા નક્કી કર્યું હતું એટલે માર્થા બ્રાઝિલથી અહીં આવી હતી.

માર્થાના પતિએ પોલીસને ફરિયાદ કરી તો બ્રાઝિલ પોલીસે તપાસ શરૂ કરી. તેમાં જાણ થઇ કે માર્થા ટુરિસ્ટ વિઝા લઇને ભારત ગઇ છે. બ્રાઝિલ એમ્બેસીમાં સંપર્ક કરીને તેનું લોકેશન મેળવવામાં આવ્યું. લોકેશન દિલ્હી, તુઘલક રોડ પોલીસ-સ્ટેશન વિસ્તારનું મળ્યું. ત્યાં મિસિંગનો રિપોર્ટ નોંધાવ્યો. દિલ્હી પોલીસે તપાસ શરૂ કરી, તો જાણ થઇ કે માર્થા સાઢૌરામાં છે.

અનંતને પોર્ટુગીઝ ભાષા નહોતી આવડી અને માર્થા પોર્ટુગીઝ સિવાય બીજી કોઈ ભાષા નહોતી જાણતી તેથી અંનત ઈન્ટરનેટન પર પોર્ટુગીઝ શીખ્યો આથી બન્ને વચ્ચે વાતચીત સરળ બની. માર્થા તેના પ્રેમી પાસે ભારત પહોંચી તો ગઈ પણ બ્રાઝિલમાં પોતાના ઘરે ન પહોંચી તો પતિએ તેની શોધ શરૂ કરી પણ તેનો ક્યાંય પત્તો લાગ્યો નહીં.

હરિયાણા: પ્રેમને કોઈ સરહદ નથી નડતી. એવી જ રીતે બ્રાઝિલીય યુવતી માર્થા અને હરિયાણાના યમુનાનગરમાં રહેતો અનંતની લવ સ્ટોરી ફેસબુક પરથી શરુ થઈ હતી. એક વર્ષ પહેલા ફેસબુકના માધ્યમથી માર્થા અને અનંત એકબીજાના સંપર્કમાં આવ્યા હતા. અનંતની માર્થાએ જોડે મિત્રતા થઈ હતી. આ દોસ્તી ધીમે-ધીમે પ્રેમમાં પલટાઇ ગઇ. અને બ્રાઝિલમા રહેતી માર્થાએ પોતાના પ્રેમી પાસે ભારત જવાનો નિર્ણય કર્યો. માર્થાના લગ્ન થઇ ચૂક્યાં છે અને તે બે બાળકોની માતા પણ છે. આથી પતિને આ વિશે જણાવી શકે તેમ ન હતી, એટલે પતિને જણાવ્યા વગર જ તે ટુરિસ્ટ વિઝાના આધારે બ્રાઝિલથી પ્રેમી પાસે પહોંચી ગઇ.