આજે ટ્રંપ બનશે અમેરિકાના પ્રમુખ, જાણો કઈ રીતે લેશે શપથ

ઇન્ડિયન અમેરિકન ડ્રમર રવિ જખોટિયા નેશનલ મોલ પર હજારો લોકો સમક્ષ પરફોર્મ કરશે. રવિ અમેરિકન ટીવી સીરિઝના પહેલા ઇન્ડો-અમેરિકન મ્યુઝિક ડાયરેક્ટર પણ છે. આ અવસર પર અમેરિકાના કેટલાંક મોટા અને જાણીતા આર્ટિસ્ટ પણ પરફોર્મન્સ આપશે.

મીડિયા રિપોર્ટ્સ અનુસાર, 2009માં બરાક ઓબામાના ઇનોગરેશનનું બજેટ 783 કરોડ રૂપિયા હતું. પ્રાઇવેટ ફંડિંગની વાત કરીએ તો ટ્રમ્પની ઇનોગરલ કમિટીને પ્રાઇવેટ ડોનર્સથી 568 કરોડ રૂપિયા મળ્યા છે. જ્યારે, 2013માં પ્રાઇવેટ ડોનર્સ પાસેથી 271 કરોડ અને 2009માં 334 કરોડ મળ્યા હતા.

યુનાઇટેડ સ્ટેટ્સ કેપિટલ બિલ્ડિંગની સીડી પર અમેરિકન સુપ્રીમ કોર્ટના ચીફ જસ્ટિસ જ્હોન રોબર્ટ્સ ટ્રમ્પને પ્રેસિડન્ટના શપથ લેવડાવશે. ડોનાલ્ડ ટ્રમ્પ એ જ બાઇબલ પર હાથ રાખીને શપથ લેશે જેના પર અબ્રાહમ લિંકને શપથ લીધા હતા.

ડોનાલ્ડ ટ્રમ્પ ઇનોગરેશન સેરેમની (શપથ ગ્રહણ સમારંભ) માટે વોશિંગટન ડીસી પહોંચી ગયા છે. આ પ્રેસિડન્ટ તરીકે ઇનોગ્રેશન સેરેમની શુક્રવારે (20 જાન્યુઆરી) ભારતીય સમયપ્રમાણે રાત્રે 10.30 કલાકે શરૂ થશે. વોશિંગ્ટનમાં તે સમયે સાંજના 5 વાગ્યા હશે.