PAKમાં ફસાયેલી ભારતીય મહિલા ભારત પાછી ફરી, ગનપોઇન્ટ પર કરાવાયા હતા લગ્ન

પાકિસ્તાની હાઇકમિશને જણાવ્યું કે, ઉઝમા તેના સંબંધીઓને મળવાના બહાને પાકિસ્તાન આવી હતી. ઉઝમાએ જણાવ્યું કે, તે તેના સંબંધીઓ મળવા પાકિસ્તાન આવી હતી પરંતુ તાહિરે તેની સાથે ગન પોઇન્ટ પર લગ્ન કરી લીધા હતા અને સેક્સ સંબંધો બાંધ્યા હતા. નવાઝ શરીફના વિદેશી બાબતોના સલાહકાર સરતાઝ અઝીઝે કહ્યું કે, કાયદાકીય પ્રક્રિયા પુરી થયા બાદ ઉઝમાને ભારત મોકલી દેવામાં આવશે.

દિલ્હીમાં રહેતી 20 વર્ષીય ઉઝમા અને તાહિરની મુલાકાત મલેશિયામાં થઇ હતી. તાહિર ત્યાં ટેક્સી ડ્રાઇવર હતો. 1 મેના રોજ તાહિર અને ઉઝમા પાકિસ્તાન પહોંચ્યા હતા. 3 મેના રોજ બંન્નેએ લગ્ન કર્યા હતા. ભારતીય વિઝા માટે ઉઝમા ઇન્ડિયન હાઇ કમિશન પહોંચી હતી. ત્ચાં ઉઝમાને રોકી લેવામાં આવી અને ત્યાં તેના ત્રણ મોબાઇલ ફોન જપ્ત કરી લેવામાં આવ્યા.

તાહિરે કહ્યું કે, હું ઉઝમા સાથે એકલામાં મળીને તમામ ગેરસમજો દૂર કરવા માંગું છું પરંતુ ભારતીય હાઇકમિશને તેની મંજૂરી આપી નહોતી. તાહિર અલીએ આરોપ લગાવ્યો હતો કે ઉઝમાનો ભાઇ વસીમ અને ઇન્ડિયન હાઇકમિશન ઉઝમા અને તેની વચ્ચે ગેરસમજો ઉભી કરી રહ્યા છે. ઉઝમા તેના પ્રથમ લગ્ન અને ચાર બાળકો અંગે જાણતી હતી અને નિકાહ કાયદાકીય રીતે થયા છે અને સાક્ષીઓ પણ હાજર છે.

ઇસ્લામાબાદઃ પાકિસ્તાનમાં બળજબરીપૂર્વક લગ્નનો શિકાર બનેલી ભારતની મહિલા ઉઝ્મા ભારત પાછી ફરી ગઇ છે. ઉઝમાને બે ભારતીય અધિકારીઓએ વાઘા બોર્ડર પર રિસીવ કરી હતી. વિદેશ મંત્રી સુષ્મા સ્વરાજે ઉઝમાના ભારત પાછા આવવા પર તેનું સ્વાગત કર્યું હતું અને લખ્યું હતું કે, તારા ઉપર અત્યાર સુધીમાં જે વિત્યુ તે બદલ માફી. ઉલ્લેખનીય છે કે ઇસ્લામાબાદ હાઇકોર્ટે ઉઝમાને ભારત પાછા ફરવાની મંજૂરી આપી હતી. હાઇકોર્ટે આદેશ આપ્યો હતો કે ઉઝ્માને વાઘા બોર્ડર સુધી સિક્યોરિટી આપવામાં આવે. ઉલ્લેખનીય છે કે ઉઝ્માએ આરોપ લગાવ્યો હતો કે તેના પતિ તાહિર અલીએ તેને પાકિસ્તાન લાવીને ગન પોઇન્ટ પર લગ્ન કર્યા હતા. બાદમાં ઉઝ્માએ ઇન્ડિયન હાઇ કમિશનની શરણે ગઇ હતી.

ઉઝમાએ આરોપ લગાવ્યો હતો કે તેના પતિએ તેના ટ્રાવેલ ડોક્યુમેન્ટ ચોરી લીધા છે. ઉઝમાએ 12 મેના રોજ કોર્ટમાં અરજી કરી હતી અને મેડિકલ રિપોર્ટ પણ રજૂ કર્યા હતા. જેમાં કહ્યુ હતું કે તેમની દીકરીને થેલેસીમિયા છે અને તેને ભારત જવાની જરૂર છે.

મીડિયા રિપોર્ટ્સ પ્રમાણે, ઇસ્લામાબાદ હાઇકોર્ટના જસ્ટિસ મોહસિન અખ્તર કિયાનીએ કહ્યું કે. ઉઝમા ક્યાંય પણ જવા માટે આઝાદ છે. તેને વાઘા બોર્ડર સુધી સુરક્ષા આપવામાં આવે. સુનાવણી દરમિયાન કોર્ટે ઉઝમાને પૂછ્યું હતું કે, તે પોતાના પતિ સાથે વાત કરવા માંગે છે જેના પર ઉઝમાએ ઇનકાર કર્યો હતો.