વડાપ્રધાન મોદીએ કહ્યું કે, સંયુક્ત રાષ્ટ્ર મહાસભામાં 130 કરોડ ભારતીયો તરફથી સંબોધિત કરવું મારા માટે ગૌરવનો અવસર છે
આતંક પર વહેંચાયેલી દુનિયા કોઇના હિતમાં નથી અને આવી દુનિયા યુએના જન્મના સિદ્ધાંતને નુકસાન કરે છે. ભારતના અવાજમાં દુનિયાને સતર્ક કરવાની ગંભીરતા અને આક્રોશ બંન્ને છે. આતંકવાદ પર વહેંચાયેલી દુનિયા કોઇનું હિત કરી શકશે નહીં.
વડાપ્રધાન મોદીએ કહ્યું કે, વિશ્વ ભલે ટીબીથી મુક્તિ માટે વર્ષ 2030 સુધીનો સમય રાખ્યો છે પરંતુ અમે 2025 સુધી ભારતને ટીબી મુક્ત કરવા પર કામ કરી રહ્યા છીએ. તે સિવાય આવનારા પાંચ વર્ષોમાં અમે જળ સંરક્ષણને પ્રોત્સાહન આપવાની સાથે જ 15 કરોડ ઘરોને પાણીની સપ્લાયથી જોડીશું. અમે આખી દુનિયાને સંદેશ આપ્યો છે અને અમારા સપનાઓ વિશ્વના સપનાઓ સાથે આગળ વધી રહ્યા છે.
