અમદાવાદઃ દારૂની મહેફિલ માણતા ઝડપાઇ યુવતીઓ, પતંગથી મોં ઢાંકીને નીકળી બહાર, જુઓ તસવીરો

પાર્ટીમાં લોકો BMW,ઓડી, મર્સીડીસ જેવી મોંઘી કારો લઈને આવ્યા હતા. આ પાર્ટીમાં મહિલા પણ સામેલ હતી.

સાબરમતી પોલીસને જાણકારી મળતા જ તેમણે આર્ય આર્કેડના ધાબા પર રેડ પાડી હતી. જેમાં 20થી વધારે લોકોની ધરપકડ કરવામાં આવી હતી.

અમદાવાદઃ ઉત્તરાયણના દિવસે અમદાવાદમાં દારુની મહેફીલ માણતા 20થી વધુ યુવક-યુવતીઓની ધરપકડ કરવામાં આવી છે. આ યુવક-યુવતીઓમાં કેટલાક એનઆરઆઇ હોવાની પણ વાત સામે આવી છે. ન્યૂ રાણીપ વિસ્તારમાં સ્થાનિકોની ફરિયાદ બાદ પોલીસે રેડ પાડીને લોકોની ધરપકડ કરી હતી.

મળતી વિગતો મુજબ ન્યુ રાણીપ વિસ્તારમાં આવેલ આર્ય આર્કેડના ધાબા ઉપર 20થી વધુ લોકો દારૂની મહેફીલ માણતા હતા. ન્યુ રાણીપ વિસ્તારની જેસ્ટી સ્ટ્રીટ હોટલના ધાબા ઉપર ડીજે સાથે દારુની મહેફીલ ચાલતી હોવાની બાતમી સ્થાનીક લોકો આપી હતી.