અમદાવાદ: દેશી દારુ પીધા બાદ ચારની તબિયત લથડી, તંત્ર થયું દોડતું

આ ચાર પૈકી બે દર્દીઓએ એબીપી અસ્મિતા સાથે વાતચીત કરતા કબલ્યું હતું કે, તેઓએ સોલા ગામમાંથી દારૂ પીધો હતો.

પોલીસ અધિકારીઓ પણ સોલા સિવિલ પહોંચ્યા હતા અને આ મામલે કડક આદેશ કરવામાં આવ્યો હતો. ઝોન-1નાં ડીસીપી પાસેથી અહેવાલ પણ માંગવામાં આવ્યો હતો. શહેર પોલીસ કમિશ્નરે તમામ દારૂનાં અડ્ડાઓ બંધ કરાવવા આદેશ કર્યો હતો.

સોલા કેનાલ છાપરા પાસેના રહેવાસી આ ચાર લોકોની દારુ પીવાથી અચાનક તબિયત લથડી હતી બાદમાં સોલા સિવિલ દાખલ કરવામાં આવ્યા હતા જેમાંથી 3 લોકો ને અસરવા સિવિલ હોસ્પિટલ શિફ્ટ કરાયા છે.

અમદાવાદ: સોલા વિસ્તારમાં દેશી દારૂ પીવાથી ચાર લોકોની તબિયત લથડતા કથિત લઠ્ઠાકાંડ બહાર આવ્યો છે. આ તમામને સારવાર માટે સોલા સિવિલ હોસ્પિટલમાં ખસેડવામાં આવ્યા હતા. ત્યાર બાદ તંત્ર દોડતું થયું અને કુબેરનગર અને છારાનગરમાં દારૂનાં અડ્ડાઓ પર દરોડા પાડવામાં આવ્યાં હતાં.