સુરતમાં ભાજપના 4 ઉમેદવાર જાહેર, જાણો ત્રણ વર્તમાન ધારાસભ્યો કપાયા ? મોરબીમાંથી કોને મળી ટિકિટ ?

ભાજપે કતારગામ બેઠક પર વર્તમાન ધારાસભ્ય અને રાજ્ય કક્ષાના શિક્ષણ પ્રધાન નાનુ વાનાણીને કાપીને વિનુ મોરડિયાને ટિકિટ આપી છે.

ભાજપે સૌરાષ્ટ્રની મોરબી બેઠક પર વર્તમાન ધારાસભ્ય કાંતિ અમૃતિયાને ફરી ટિકિટ આપી છે.

ભાજપે સુરત ઉત્તર બેઠક પર વર્તમાન ધારાસભ્ય અને સંસદીય સચિવ અજય ચોકસીને કાપીને કાંતિ બલરને ટિકિટ આપી છે.

અમદાવાદઃ ભાજપે આજે તેના વધુ પાંચ ઉમેદવારોનાં નામની જાહેરાત કરી છે. આ પૈકી ચાર બેઠકો સુરતની છે અને આ ચાર બેઠકો પર ભાજપનાં બે મોટાં માથાં કપાયાં છે. સુરતમાં ભાજપે ત્રણ વર્તમાન ધારાસભ્યોની ટીકિટ કાપી છે.

ભાજપે ચોર્યાસી બેઠક પર વર્તમાન ધારાસભ્ય ઝંખના પટેલને ફરી ટિકિટ આપી છે.

ભાજપે કરંજ બેઠક પર વર્તમાન ધારાસભ્ય જનક બગદાણાવાળાને કાપીને પ્રવિણ ઘોઘારીને ટિકિટ આપી છે.