વિજય રૂપાણીએ હાર્દિક-અલ્પેશ-મેવાણીને શું ફેંક્યો પડકાર ? ‘વિકાસ ગાંડો થયો છે’ મુદ્દે શું કહ્યું ?

અમદાવાદમાં એક કાર્યક્રમમાં રૂપાણીએ કહ્યું કે, હાર્દિક પટેલ ભાજપ વિરોધી છે અને ટ્વિટર પરની તેની આજ સુધીની તમામ ટ્વિટ ભાજપ વિરોધી છે ને એક પણ ટ્વિટ કોંગ્રેસની વિરૂધ્ધ નથી એવું કેમ ? રૂપાણીએ સવાલ કર્યો કે, કોંગ્રેસમાં બધું બૂરાબર છે કે તેની સામે બોલવા જેવું કશું છે જ નહીં ?

સોશિયલ મીડિયામાં ચાલી રહેલા ‘વિકાસ ગાંડો થયો છે’ના પ્રચાર મામલે રૂપાણીએ જણાવ્યું કે, ગુજરાતમાં વિકાસ ગાંડો થયો નથી પણ ભાજપ શાસનમાં થયેલા વિકાસથી કોંગ્રેસ સહિતના વિરોધપક્ષના લોકો ગાંડા થઈ ગયા છે તેથી આ પ્રકારનો કુપ્રચાર ચલાવી રહ્યા છે.

રૂપાણીએ સામો સવાલ કર્યો હતો કે, હાર્દિક પટેલ, અલ્પેશ ઠાકોર અને જીજ્ઞેશ મેવાણી ચૂંટણી લડવાના છે ? આ ત્રણેય ચૂંટણી લડે તો જ કોની કેટલી લોકપ્રિયતા છે તે સ્પષ્ટ થાય. રૂપાણીએ હાર્દિક પટેલ, અલ્પેશ ઠાકોર અને જીજ્ઞેશ મેવાણીના ઉદય માટે કોંગ્રેસને જવાબદાર ઠેરવીને પ્રહારો પણ કર્યા.

રૂપાણીએ હાર્દિક, અલ્પેશ અને જીજ્ઞેશને પડકાર ફેંક્યો છે કે, આ ત્રણેય ચૂંટણીનાં મેદાનમાં ઉતરે તો તેમનું પાણી મપાઈ જશે ને કોની કેટલી લોકપ્રિયતા કેટલી છે તેની ખબર પડી જશે. રૂપાણીને સવાલ પૂછાયો હતો કે, હાર્દિક પટેલ, અલ્પેશ ઠાકોર અને જીજ્ઞેશ મેવાણીના ઉદય અંગે તે શું માને છે ?

અમદાવાદઃ ગુજરાતમાં ચૂંટણીનો માહોલ જામી ગયો છે ત્યારે પાટીદાર અનામત આંદોલન સમિતિ (પાસ)ના હાર્દિક પટેલ, ક્ષત્રિય ઠાકોર સેનાના અલ્પેશ ઠાકોર અને દલિત નેતા જીજ્ઞેશ મેવાણી આ ચૂંટણીમાં મહત્વનું પરિબળ બનશે તેવી ચર્ચા ચાલી રહી છે. આ માહોલમાં મુખ્યમંત્રી વિજય રૂપાણીએ ત્રણેયને પડકાર ફેંક્યો છે.