રાજ્યસભાની ચૂંટણી માટે ગુજરાત કૉંગ્રેસના નેતાઓની આજે દિલ્લીમાં રાહુલ ગાંધી સાથે બેઠક

કોંગ્રેસ અધ્યક્ષ રાહુલ ગાંધીના નજીક મનાતા જનાર્દન દ્રિવેદીને કોંગ્રેસ ગુજરાતમાંથી રાજ્યસભામાં મોકલી શકે છે. જો આમ થાય તો તમામ સમાજમાંથી દાવેદારી કરનાર નેતાઓને નિરાશા હાથ લાગી શકે છે.

અમદાવાદ: કોંગ્રેસ પ્રમુખ ભરતસિંહ સોલંકી અને નેતા વિપક્ષ પરેશ ધાનાણી દિલ્હી રવાના થશે. આજે દિલ્હીમાં કોંગ્રેસના નેતાઓ ની બેઠક મળશે. રાજ્યસભા ચૂંટણી મુદ્દે કોંગ્રેસ અધ્યક્ષ રાહુલ ગાંધી સાથે બેઠક યોજાશે.

આજે બેઠકમાં પ્રદેશના નેતાઓનો મત સાંભળી હાઇકમાન્ડ આખરી નિર્ણય લેશે. AICC મહામંત્રીઓ જનાર્દન દ્વિવેદી અને દિપક બાબરીયા ના નામ મોખરે ચાલી રહ્યા છે. આ ઉપરાંત દલિત નેતાઓ પી કે વાલેરા, કરસનદાસ સોનેરી અને રાજન પ્રિયદર્શી એ પણ ટિકિટ માટે દાવો કર્યો છે.