કિંજલ દવેએ ખાનગીમાં કરી સગાઈ, જાણો કોણ છે કિંજલનો ફિયાન્સે?

કિંજલ દવે લગ્ન ગીત, ગરબા, ભજન ઉપરાંત ગુજરાતી ફિલ્મોની ગીતો પણ ગાય છે. તે સિવાય કિંજલ અનેક સંગીતના કાર્યક્રમો કરે છે. તે એક પ્રોગ્રામદીઠ એકથી બે લાખ સુધીની ફી વસૂલ કરે છે.

કિંજલના પિતા હિરા ઘસવાની સાથે સાથે ગીતો લખવાનો પણ શોખ ધરાવતા હતા તે મિત્ર સાથે મળીને ગીતો પણ લખતા હતા. પિતા અને મનુ રબારીના પ્રયાસોથી નાની ઉંમરે કિંજલને ‘જોનડિયો’ લગ્નગીત આલ્બમમાં ગાવાનો મોકો મળ્યો. આ લગ્નગીત થોડા જ સમયમાં સમગ્ર ગુજરાતમાં હિટ રહ્યું હતું.

પિતા લાલજીભાઈ ગીત રાઈટિંગ ઉપરાંત કિંજલ દવે કાર્યક્રમમાં મદદ કરે છે. કિંજલ દવેનો જન્મ ઉત્તર ગુજરાતના એક બ્રાહ્મણ પરિવારમાં થયો હતો. તેને સંગીત વારસામાં મળ્યું છે. સંગીતના માહોલમાં ઉછરેલી કિંજલને નાનપણથી જ ગીતો ગાવાનો રસ જાગ્યો.

કિંજલ દવે માતા-પિતા અને નાના ભાઈ સાથે અમદાવાદના નરોડા વિસ્તારમાં 2 બીએચકે ફ્લેટમાં રહે છે. નાનો ભાઈ આકાશ અમદાવાદની સ્કૂલમાં અભ્યાસ કરે છે. જ્યારે કિંજલ દવે પ્રાંતિજની કોલેજમાં અભ્યાસ કરે છે.

કિંજલે સગાઈ પહેલા જ અમદાવાદમાં પરિવાર સાથે શોપિંગ કરી હતી જેની તસવીરો પણ સોશિયલ મીડિયામાં વાયરલ થઈ હતી. જોકે કિંજલ સગાઈની તૈયારી કરી રહી હતી.

સુત્રોના જણાવ્યા પ્રમાણે કિંજલ અને પવને સામાજીક રીત-રિવાજ પ્રમાણે સગાઈ કરી છે. આ સગાઈ કાર્યક્રમમાં નજીકના લોકોને જ બોલાવવામાં આવ્યા હતાં. આ સગાઈ પોતાના વતને જ રાખવામાં આવી હતી.

અમદાવાદ: ‘ચાર ચાર બંગડીવાળી ગાડી લાવી દંઉ’ સોંગથી ફેમસ થયેલ કિંજલ દવે ચૂપકેથી સગાઈ કરી લીધી છે. કિંજલ દવેએ પવન સાથે સગાઈ કરી હોવાની તસવીરો સામે આવી છે. કિંજલ દવે અને પવનની સગાઈ સામાજીક રીત-રિવાજોથી કરવામાં આવી છે. આ સગાઈ પોતાના વતનમાં કરવામાં આવી હતી. થોડા દિવસ પહેલાં જ પરિવાર સાથે કિંજલ સગાઈ માટે ખરીદી કરી રહી હતી.