કેતન-ચિરાગે કરેલા કરોડોના ભ્રષ્ટાચાર અંગે હાર્દિકે શું આપ્યો જવાબ ? જાણો

આ પત્રમાં હાર્દિકને ખુલ્લી ચેતવણી આપી હતી કે, હાર્દિક નેતા બનવાની મહત્ત્વાકાંક્ષા અને સ્વાર્થ વૃત્તિને સંતોષવા માટે સમાજને હાથો બનાવીને રૂપિયાવાળા બનવાની પ્રવૃત્તિ બંધ કરે. આ પ્રવૃત્તિથી સમાજને ઘણું નુકસાન પહોંચ્યું છે. ચિરાગ-કેતને હાર્દિકને જણાવ્યું હતું કે, તે સાનમાં નહીં સમજે તો જેલમાં રહીને કરોડપતિ કેવી રીતે થયો તે સમાજને જણાવવું પડશે.

હાર્દિકે એમ પણ ઉમેર્યું કે, ચિરાગ પટેલ અને કેતન પટેલ સાચા છે કે નહીં તેનો જવાબ પાટીદાર સમાજનાં લોકો જ આપશે, મારે કોઈ જવાબ આપવાની જરૂર જ નથી. પાટીદાર અનામત આંદોલન સમિતિ (પાસ)ના કોર કમિટિના સભ્યો ચિરાગ પટેલ અને કેતન પટેલે પાસના મુખ્ય સંયોજક હાર્દિક પટેલને ખુલ્લી ચેતવણી આપતો પત્ર લખ્યો હતો.

હાર્દિકે ઉમેર્યું કે, કેતન અને ચિરાગ પટેલે કરેલા આક્ષેપોમાં મારે ખુલાસો કરવાની જરૂર ત્યારે ઉભી થાય કે જ્યારે મેં કશું ખોટું કર્યું જ નથી. આ બાબતમાં મને કશી ખબર નથી અને મેં કશું ખોટું કર્યું નથી ત્યારે મને જવાબ આપવાની જરૂર જ નથી લાગતી. આ આક્ષેપોમાં થોડીક પણ સચ્ચાઈ હોત તો મેં ચોક્કસ ખુલાસો કર્યો હોત.

અમદાવાદઃ પાટીદાર અનામત આંદોલન સમિતિ (પાસ)ના કન્વીનર હાર્દિક પટેલ સામે તેના જ સાથીઓ કેતન પટેલ અને ચિરાગ પટેલે કરોડો રૂપિયાના ભ્રષ્ટાચારના આક્ષેપો કર્યા છે ત્યારે આ મુદ્દે હાર્દિકે પહેલી વાર મોં ખોલ્યું છે. હાર્દિકે કહ્યું કે, મેં કશું ખોટું કર્યું જ નથી ત્યારે મારે ખુલાસો કરવાની જરૂર જ ક્યાં છે ?