ચૂંટણીના પરિણામો 2024
(Source: ECI | ABP NEWS)
હવે વરસાદે અમદાવાદમાં બોલાવી ધબધબાટી, આખું શહેર પાણી-પાણી
હજુ દોઢ થી બે મહિના વરસાદની સિઝન બાકી છે. સામાન્ય રીતે, અમદાવાદમાં 40 થી 45 ઈંચ વરસાદની એવરેજ રહેતી હોય છે. હજુ પણ બીજા તબક્કામાં વરસાદની હેલી ચાલુ છે. બુધવારે વધુ બે ઈંચ વરસાદ પડયો હતો.
Download ABP Live App and Watch All Latest Videos
View In Appઅમદાવાદમાં ગત વર્ષે વરસાદની સંપૂર્ણ સીઝન દરમિયાન કુલ 23 ઈંચ વરસાદ પડયો હતો. જેની તુલનામાં વર્ષે બે તબક્કામાં કુલ 26 ઈંચ વરસાદ પડી ગયો છે.
અમદાવાદ: હવે વરસાદે અમદાવામાં ધબધબાટી બોલાવી છે. મોડી રાથતી શરૂ થયેલ વરસાદને આખુ શહેર બેટમાં ફેરવાઈ ગયું હોય એવી સ્થિતિ સર્જાઈ છે. વિજળીના કડાકા ભડાકા સાથે અમદાવાદમાં સાંબેલાધાર વરસાદ પડ્યો છે. સતત વરસતા વરસાદને કારણે રસ્તાઓ, સોસાયટીમાં પાણી ફરી વળ્યાં છે. લોકોના ઘરોમાં પાણી ઘૂસી ગયા છે. શાળા-કોલેજોને પણ બંધ કરવામાં આવ્યા છે. અમદાવદના મેયરે પણ લોકને બિનજરૂરી બહાર ન જવાની સલાહ આપી છે.
અમદાવાદમાં છેલ્લા પાંચ કલાકમાં સાત ઇંચ વરસાદ નોંધાયો છે. શહેરના તમામ વિસ્તારોમાં ભારે વરસાદથી પાણી ભરાયા છે, ચાંદખેડા, સાબરમતી, રાણીપ, આંબાવાડી, પ્રહલાદનગર, સેટેલાઇટ, અસજી હાઇવે સહિતના તમામ વિસ્તારોમાં ધોધમાર વરસાદ ખાબક્યો હતો. સૌથી વધારે પુર્વ અને દક્ષિણ ઝોનમાં ત્રણ ઇંચ વરસાદ ખાબક્યો હતો, જ્યારે ઉત્તર અને મધ્ય ઝોનમાં બે ઇંચ વરસાદ નોંધાયો છે. ભારે વરરસાદના કારણે શહેરના મીઠખળી, અખબારનગર અંડરપાસ બંધ કરાયા છે.
ઝોનમાં સૌથી વધુ દક્ષિણ ઝોનમાં અઢી ઈંચ વરસાદ વરસ્યો હતો. સતત વરસાદને પગલે 57 સ્થળો પાણીમાં ગરકાવ થઈ ગયા હતા. 11 વૃક્ષો પડ્યા અને મકાનો ધરાશયી થયા હતા.
ઉપરવાસમાં વરસાદ સામાન્ય થતા ધરોઈ ડેમમાંથી છોડવામાં આવતા પાણીની આવક ઘટતા સાબરમતી નદીમાં હવે પૂરનુ સંકટ ટળી ગયું છે.
બુધવારે સાંજે 4 વાગ્યે વાસણા બેરેજ ખાતે પાણીની સપાટી 129.50 ફુટ નોંધાઈ હતી. નદીમાં પાણીની જાવક 60 હજાર કયુસેક નોંધાઈ હતી.
બુધવારે સવારથી શરૂ થયેલા વરસાદને પગલે જનજીવન રોજીંદા ક્રમ કરતા ઠપ થયેલું જોવા મળ્યું હતુ. ભારે વરસાદની સ્થિતિને પગલે તંત્ર પણ હવે ચિંતામાં મૂકાઈ ગયું છે.
- - - - - - - - - Advertisement - - - - - - - - -