રાજસ્થાનમાંથી ઝડપાયા 85 જુગારીઓ, ગુજરાતથી ગયા હતા રમવા, જાણો વિગત

પોલીસને મળેલી માહિતી પ્રમાણે, એક ટીમ બનાવીને મોડી રાત સુધી હોટેલમાં કાર્યવાહી હાથ ધરી હતી. જુગારધામનું સંચાલન ખેરવાડા નિવાસી ચિરાગ પ્રકાશ પંચોલી, અમદાવાદના શાહીબાગના નિવાસી દિનેશ ઉર્ફે દિનશા, ગાંધીનગરના ગ્રીન પાર્કના નિવાસી યુસુફ ઉસ્માન મલિક કરતા હતા.

અમદાવાદઃ રાજસ્થાનના ગુજરાત બોર્ડર પર બિંછીવાડા-રતનપુર (ડુંગરપુર) પાસે સિગ્નેચર હોટેલમાં જુગારધામ પર રેડ કરી હતી. પોલીસે અહીંથી 85 જુગારીઓની ધરપકડ કરી હતી. સોમવારે રાત્રે કરેલી કાર્યવાહીમાં 45 લાખની રોકડ રકમ, રૂ. 12 કરોડનો હિસાબ અને મોટી સંખ્યામાં મોબાઈલ જપ્ત કર્યા છે.

પોલીસે યુસુફ અને દિનશાને પકડી લીધા છે. જ્યારે ચિરાગ ફરાર છે. સ્પેશ્યલ ટીમ ઉદયપુરથી ખાનગી વાહન કરીને જ્યાં જુગાર રમાતો હતો.

પોલીસે છાપો મારતા જુગારીઓએ ભાગવાની કોશિષ કરી હતી, પરંતુ હોટેલની પાછળ નદીના પાણીના તેજ વહેણના કારણે ભાગી શક્યા ન હતા અને ત્યાંથી પાછા હોટેલમાં આવી ગયા હતા.