મોદી અંગે જીજ્ઞેશ મેવાણીએ કરી વાધાજનક ટ્વીટ, થઈ વાયરલ

ઉલ્લેખનીય છે કે મેવાણીએ થોડા દિવસ પહેલા જ એવો દાવો કર્યો હતો કે તેમને ડોન રવિ પૂજારી ધમકી આપી રહ્યો છે. મેવાણીએ ફોન કોલનું રેકોર્ડિંગ પણ સોશિયલ મીડિયામાં શેર કર્યું હતું.

જીજ્ઞેશ મેવાણીએ થોડા દિવસ પહેલા મહારાષ્ટ્રની એક મહિલા પત્રકારની ફોટોશોપ્ડ તસવીર ટ્વીટર પર શેર કરી હતી. જેના બદલ તેમની સામે પુણેમાં પોલીસ ફરિયાદ પણ થઈ છે.

મેવાણીની ટ્વીટ પર અત્યાર સુધી 1300 જેટલા રિપ્લાય આવી ચૂક્યા છે. જેમાં મોટાભાગના રિપ્લાયમાં તેમની ભાષા તેમજ તેમણે મૂકેલા ફોટોગ્રાફની ટીકા કરવામાં આવી હતી. કોઈ યુઝર્સે તો આવી ટ્વીટ કરવા બદલ મેવાણી સામે કેસ થવો જોઈએ તેવું પણ કહ્યું છે.

આ તસવીરમાં પીએમ મોદીનો ડુપ્લિકેટ કોઈ શખ્સ હાથ જોડીને ઊભો રહ્યો છે જ્યારે જીજ્ઞેશ મેવાણી તેને આંગળી બતાવી રહ્યા છે. મહત્વાનું છે કે પીએમ મોદીની હત્યા કરવાનો માઓવાદીઓ પ્લાન બનાવી રહ્યા છે તેવા સમાચાર થોડા દિવસ પહેલા જ આવ્યા હતા જેને મેવાણીએ નૌટંકી ગણાવ્યા છે.

અમદાવાદ: જીજ્ઞેશ મેવાણીએ મોદીના ડુપ્લિકેટ સાથેનો ફોટો ટ્વીટ કરતા વિવાદ સર્જાયો હતો. જીજ્ઞેશ મેવાણીએ આ ફોટો સાથે પીએમ માટે લખ્યું હતું કે, માઓવાદી મારવાનો પ્લાન બનાવી રહ્યા છે તે ડ્રામા બંધ કરો અને બે કરોડ નોકરીઓ આપવાના વચનનું શું થયું તેની સીધી વાત કરો. મેવાણીએ એમ પણ લખ્યું હતું કે જ્યારે આ દેશના યુવાનો રોજગારીની વાત કરે ત્યારે વચ્ચે ગાયનું ગોબર ન નાખતાં.