અમદાવાદ: ન્યૂ નવચેતન સ્કૂલના 32 વિદ્યાર્થીઓ આપી શકશે બોર્ડની પરીક્ષા, બે સંચાલોકોની થઈ ધરપકડ

ઉલ્લેખનીય છે કે, અમદાવાદના મેઘાણીનગરની ન્યૂ નવચેતન સ્કૂલને બોર્ડની મંજૂરી ન હોવા છતાં ધોરણ 9 અને 10ના 32 વિદ્યાર્થીઓને વર્ષ દરમિયાન ભણાવવામાં આવતા હતા. વિદ્યાર્થીઓ પાસેથી મહિને 700 રૂપિયાની ફી પણ ઉઘરાવવામાં આવતી હતી. જ્યારે બોર્ડના પરીક્ષાર્થીને હોલ ટિકિટ ન મળતાં સમગ્ર પ્રકરણનો ખુલાસો થયો હતો. વાલીઓ અને વિદ્યાર્થીઓ મોડી રાત્રે સ્થાનિક ધારાસભ્યના ઘરે રજૂઆત કરી હતી. ત્યારે સરકારે સમગ્ર મામલે વિદ્યાર્થીઓના હિતમાં નિર્ણય લીધો છે.

32 વિદ્યાર્થીઓના ભવિષ્ય માટે શનિવારે એબીપી અસ્મિતાએ 5 વાગ્યાથી અભિયાન શરૂ કર્યું હતુ. અને વિદ્યાર્થીઓની રજૂઆત શિક્ષણમંત્રી સુધી પહોંચાડી હતી. એબીપી અસ્મિતાની મૂહિમ બાદ ન્યૂ નવચેતન સ્કૂલના વિદ્યાર્થીઓને હોલ ટિકિટ આપવામાં રાજ્ય સરકારે નિર્ણય લીધો છે.

અમદાવાદ: મેઘાણીનગરમાં આવેલ ન્યૂ નવચેતન સ્કૂલની મંજૂરીને લઈને થયેલા વિવાદ બાદ આખરે રાજ્ય સરકારે કાર્યવાઈ કરી છે. ફરિયાદ બાદ મેઘાણીનગર પોલીસે આ કેસમાં ટ્રસ્ટી હરીશ દેસાઈ અને સુરેશ દવેની ધરપકડ કરી છે. જ્યારે બે ટ્રસ્ટીઓ ફરાર થઈ ગયા છે જેની શોધખોળ હાથ ધરી છે.