લગ્નના બીજા દિવસે દંપતી બાઇક લઈને કાંકરિયા ફરવાં આવ્યું ને પછી શું થયું? જાણો વિગત

જો કે લગ્નમાં 4 લાખનો ખર્ચો થયો હોવાથી લગ્નના ખર્ચને પહોંચી વળવા માટે 14 વાહનોની ચોરી કરી હતી. હજી તેની પાસેથી અન્ય ચોરીનો તાગ મળી શકે તેમ છે. ઈરફાને બધા વાહનો ભીડવાળા વિસ્તારોમાંથી ચોર્યા હતા. ભદ્રકાળી બજારમાંથી 9 જ્યારે બીજા વાહનો કાંકરિયામાંથી ચોરી કર્યા હતા. હાલ પોલીસે તમામ બાઈકો રિકવર કરી 4 લાખથી વધુનો મુદ્દામાલ કબ્જે કર્યો છે.

સાણંદ કોલટ મોમીન ગામનો રહેવાસી ઇરફાન ઉર્ફે સરફરાજ સૈયદના ચાર દિવસ પહેલા લગ્ન થયા છે. તેણે લગ્નના ખર્ચને પહોંચી વળવા માટે બાઇક ચોરવાનું શરૂ કર્યું હતું. ઇરફાને છેલ્લા ત્રણ મહિનામાં 14 જેટલી વાહનચોરીને અંજામ આપ્યો હતો. અત્યાર સુધીમાં કારંજ વિસ્તારમાંથી 9 , મણિનગરમાંથી -3, જ્યારે અમરાઇવાડી અને વેજલપુરમાંથી એક-એક બાઇક ચોરી કરી છે.

અમદાવાદઃ શહેરનો એક યુવક લગ્નના બીજા દિવસે પોતાન પત્ની સાથે બાઇક પર ફરવા આવ્યો હતો. પરંતુ પોલીસે તેને પકડી લીધો હતો અને લોકઅપમાં નાંખી દીધો હતો. નોંધનીય છે કે, ઇરફાન સૈયદ નિકાહ થયા પછી બે દિવસ પહેલા પોતાની પત્ની સાથે ફરવા નીકળ્યો હતો, ત્યારે આ દંપતીને પોલીસે દાણીલીમડા શાસ્ત્રી બ્રિજ નજીક ઊભું રાખ્યું હતું અને પછી યુવકની ધરપકડ કરી હતી. આગળ વાંચો કોણ છે આ યુવક અને તેને શા માટે પકડવામાં આવ્યો?

ચોરી કરેલા બાઈક ઈરફાન ઘરે લઇ જતો હતો, પરંતુ ગમે તે જગ્યાએ મૂકી રાખતો હતો. ત્યારબાદ તે વાહનના સ્પેરપાર્ટ ખોલીને વેચતો હતો. જો કે, ઈરફાને 3 મહિનામાં ચોરી કરેલા 14માંથી એક પણ આખું વાહન વેચ્યું ન હતું. ઇરફાન બે દિવસ પકડાયો તેના એક દિવસ પહેલા તેના લગ્ન થયા હતા અને જ્યારે તેને પકડવામાં આવ્યો ત્યારે તેની પત્ની તેની સાથે બાઈક ઉપર હતી.