ગુજરાતના ક્યા વિસ્તારોમાં શુક્ર-શનિવારે પડી શકે છે વરસાદ ? જાણો શું છે કારણ ?

ગાંધીનગરઃ આગામી છ અને સાતમી એપ્રિલે મધ્ય ગુજરાત અને ઉત્તર ગુજરાતમાં કમોસમી વરસાદ પડવાની સંભાવના છે. હવામાન ખાતાએ આગામી શુક્ર અને શનિવારે માવઠાની આગાહી કરી છે. જોકે, સૌરાષ્ટ્ર-કચ્છમાં માવઠાની શક્યતા નહીવત છે.

હવામાન ખાતાની આગાહી પ્રમાણે નોર્થ સાઉથ ટ્રફના લીધે માવઠું આવી શકે છે. હાલ દેશમાં પશ્ચિમ રાજસ્થાન સિવાય ક્યાંય હિટવેવ નથી. આજે બપોરે ૩ વાગ્યે રાજકોટમાં ૩૯.૨ ડિગ્રી સાથે ૧૨ કિ.મી.ની ગતિએ ગરમ પવન ફૂંકાઈ રહ્યો છે. જેને લીધે ગરમીમાં આંશિક ઘટાડો થતા શહેરીજનોને થોડી રાહત મળી છે.