અમદાવાદ: સ્કુલવાનનો ડ્રાઈવર વિદ્યાર્થિનીના ગુપ્ત ભાગે અડપલાં કરીને આનંદ માણતો હતો પછી શું થયું, જાણો વિગત

અમદાવાદ: સ્કુલવાનમાં બાળકોને ડ્રાઈવરના વિશ્વાસથી મુકતા માતા-પિતા માટે લાલબત્તી સમાન સાબિત થાય તેવો કીસ્સો અમદાવાદના સરખેજમાં બન્યો છે. 7 વર્ષની બે વિદ્યાર્થીનીઓના ગુપ્ત ભાગે અડપલાં કરીને સ્કુલવાનનો ડ્રાઈવર પિશાચી આનંદ માણતો હતો. જેની વિદ્યાર્થીનીઓએ પિતાને વાત કરતાં પિતાએ પોલીસ ફરિયાદ નોંધાવી હતી. સમગ્ર ઘટનામાં સરખેજ પોલીસે સ્કુલવાન ડ્રાઈવરની ધરપકડ કરી છે.

તેણે તેની માતાને જણાવ્યું હતું કે, અફજલ દીવાળી પછી મારી અને પડોશીની દીકરીને સુમસામ ઝાડીઓમાં લઈ જઈને મરજી વિરુદ્ધ અશ્લીલ હરકતો સ્કુલવાનમાં જ કરતો હોવાની વાત કરી હતી. આ અંગે પુત્રીની માતાએ તેમના પતિને આ અંગે વાત કરી હતી.

મંગળવારે પિતાને પરિવાર સાથે બહાર જવાનું હતું. સાડા છ વાગે સ્કુલવાન તેમના ઘર નજીકની સોસાયટીમાં આવી હતી. જેથી તેમની પત્ની પુત્રીને સ્કુલવાન તરફ લેવા ગયા ત્યારે તેમની દીકરી સાથે સ્કુલવાનનો ડ્રાઈવર મહંમદ અફજલ ગુપ્ત ભાગે અશ્લીલ ચેનચાળા કરતો હતો. ઘરે લઈ ગયા બાદ મહિલાએ પુત્રીની પુછતાં તે રડવા લાગી હતી.

અમદાવાદના સરખેજ વિસ્તારમાં રહીને ડ્રાઈવીંગ કામ કરતા પિતાએ 7 વર્ષની પુત્રી અપોલો સ્કુલમાં બીજા ધોરણમાં અભ્યાસ કરે છે. તેણે સ્કુલમાં મુકવા માટે સ્કુલવાન બંધાવેલી છે. સ્કુલવાનનો ડ્રાઈવર મહંમદ અફજલ પઠાણ ઘરેથી લઇ જતો હતો. આ ઉપરાંત તેમની ઘરની બાજુમાં જ પહેલા ધોરણમાં ભણતી 7 વર્ષની અન્ય એક વિદ્યાર્થીની પણ આ જ વાનમાં સ્કુલે જતી હતી. જે પહેલા ધોરણમાં અભ્યાસ કરે છે.

તેમના પાડોશીની દીકરીએ પણ તેમની દીકરીની વાત સાચી હોવાનો ખુલાસો કર્યો હતો. જેના કારણે સરખેજ પોલીસ સ્ટેશનમાં અફજલ વિરુદ્ધ અશ્લીલ ચેનચાળાની ફરીયાદ નોંધાવી હતી. સરખેજ પોલીસે તેની ધરપકડ કરી વધુ તપાસ હાથ ધરી હતી.