Kaal Bhairav Jayanti 2024: કાલ ભૈરવને ભગવાન શિવનું ઉગ્ર સ્વરૂપ માનવામાં આવે છે. પૌરાણિક કથાઓ અનુસાર, ભગવાન શિવ બ્રહ્માદેવ પર ખૂબ જ નારાજ થયા અને તેમના ક્રોધમાંથી કાલ ભૈરવનો જન્મ થયો. કેટલીક કથાઓ અનુસાર, કાલ ભૈરવનો જન્મ ભગવાન શિવના રક્તમાંથી થયો હતો. કાલ ભૈરવને પણ ભગવાન શિવના ગણોમાંથી એક ગણવામાં આવે છે.
જે દિવસે કાલ ભૈરવનો જન્મ થયો તે માર્ગશીર્ષ અથવા અગહન માસના કૃષ્ણ પક્ષની અષ્ટમી તિથિ હતી. તેથી દર વર્ષે આ તારીખને કાલ ભૈરવની જન્મજયંતિ તરીકે ઉજવવામાં આવે છે. આ વર્ષે કાલ ભૈરવની જન્મજયંતિ 23 નવેમ્બર 2024ના રોજ છે.
ભગવાન કાલ ભૈરવ સાથે જોડાયેલી સૌથી રસપ્રદ વાત એ છે કે તેની સવારી કાળો કૂતરો છે. તેણે તેના વાહન તરીકે કાળા કૂતરાને કેમ પસંદ કર્યો? ચાલો જાણીએ તેમના વિશે....
કાળો કૂતરો કાલ ભૈરવની સવારી કેવી રીતે બન્યો?
- હિંદુ ધર્મમાં તમામ દેવી-દેવતાઓનું પોતાનું વિશેષ વાહન હોય છે, જેને તે દેવી-દેવતાનું વાહન કહેવામાં આવે છે. તેવી જ રીતે, ધાર્મિક ગ્રંથો અનુસાર, કાળો કૂતરો કાલ ભૈરવનું વાહન છે. પરંતુ ખાસ વાત એ છે કે કાલ ભૈરવ પોતાના વાહન એટલે કે કૂતરા પર બેસતા નથી. પરંતુ કાળો સ્વાન (કૂતરો) હંમેશા તેમની સાથે રહે છે.
- કાલ ભૈરવનું સ્વરૂપ ઉગ્ર છે અને કૂતરાને પણ ઉગ્ર પ્રાણી તરીકે જોવામાં આવે છે. કૂતરો ક્યારેય ડરતો નથી. તે રાતના અંધકારથી કે દુશ્મનોથી ડરતો નથી. પરંતુ જો કોઈ તેના પર હુમલો કરે છે, તો તે વધુ વિકરાળતાથી હુમલો કરે છે.
- આ ઉપરાંત, કૂતરાને તેજ બુદ્ધી, તેના માલિક માટે સંપૂર્ણ વફાદાર અને રક્ષા કરનાર પ્રાણી માનવામાં આવે છે. કૂતરાઓ વિશે, એવું પણ માનવામાં આવે છે કે તેઓ દુષ્ટ આત્માઓ અને નકારાત્મક શક્તિઓથી રક્ષણ કરવાની ક્ષમતા ધરાવે છે.
- કાલ ભૈરવ સાથે કાળા કૂતરાની હાજરી તેના રક્ષક અને સંરક્ષક સ્વરૂપને દર્શાવે છે. તેથી કૂતરાને રોટલી ખવડાવવાથી કાલ ભૈરવ પણ પ્રસન્ન થાય છે.
Disclaimer: અહીં આપેલી માહિતી માત્ર ધારણાઓ અને માન્યતા પર આધારિત છે. અત્રે એ ઉલ્લેખ કરવો જરૂરી છે કે abp અસ્મિતા કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં, સંબંધિત નિષ્ણાતની સલાહ લો.
આ પણ વાંચો....