Venus Transit in July: બધા ગ્રહો ચોક્કસ સમય પછી પોતાની સ્થિતિ બદલી નાખે છે. તેઓ એક રાશિ છોડીને બીજી રાશિમાં પ્રવેશ કરે છે. તેને ગ્રહોનું ગોચર કહેવામાં આવે છે. જ્યોતિષમાં તેને ખૂબ જ મહત્વપૂર્ણ માનવામાં આવે છે. તેની અસર 12 રાશિઓ પર પડે છે. જ્યોતિષ શાસ્ત્ર અનુસાર ધન અને સમૃદ્ધિ આપનાર શુક્ર જુલાઈમાં બે વાર ગોચર કરશે. શુક્ર 7મી જુલાઈએ કર્ક રાશિમાં અને 31મી જુલાઈએ સિંહ રાશિમાં પ્રવેશ કરશે. શુક્રનું આ ગોચર તમામ રાશિઓ પર અસર કરશે. કેટલીક રાશિઓને આના કારણે ઘણો લાભ મળી શકે છે. આવો જાણીએ શુક્રના ગોચરના કારણે કઈ રાશિના લોકોનું ભાગ્ય બદલાશે. શુક્ર ગ્રહ કર્ક રાશિમાં લગભગ 1 વર્ષ બાદ ગોચર કરશે. જેનો પ્રભાવ તમામ રાશિના લોકો પર જોવા મળશે. પરંતુ 3 રાશિઓ એવી છે, જેની આ સમયે કિસ્મત ચમકી શકે છે. સાથે જ આ લોકોની ધન સંપત્તિમાં વૃદ્ધિ થઇ શકે છે. તો ચાલો જાણીએ આ લકી રાશિઓ કઈ છે.
કર્ક રાશિ
કર્ક રાશિના જાતકો માટે જુલાઈ મહિનામાં શુક્રનું ગોચર ઘણું અસરકારક સાબિત થવાનું છે. આ રાશિના જાતકોની સંપત્તિ સંબંધિત લાંબા સમયથી ચાલી રહેલી સમસ્યાઓનો અંત આવી શકે છે. પરિવારના સભ્યો અને નજીકના મિત્રોની મદદથી સારા કામ થવા લાગશે. નોકરી કે વેપારમાં લાભ થઈ શકે છે. ધાર્મિક કાર્યોમાં રુચિ વધવાથી વ્યક્તિ પૂજા-પાઠ તરફ વધુ ઝુકાવ અનુભવશે.
મેષ
મેષ રાશિના જાતકો માટે જુલાઈ મહિનાનો અમુક સમય ઘણો સારો સાબિત થઈ શકે છે. ધન અને સમૃદ્ધિ આપનાર શુક્રનું ગોચર મેષ રાશિના લોકોના જીવનમાં સકારાત્મક પરિવર્તન લાવશે. આ સમયે પ્રોપર્ટી ખરીદવાની શક્યતાઓ છે. સમાજ અને પરિવારના સભ્યોમાં પ્રતિષ્ઠા વધશે. જીવનસાથી સાથેના સંબંધો સુધરશે.
તુલા
જુલાઈ મહિનામાં શુક્રના ગોચરને કારણે તુલા રાશિના લોકો માટે આ સમય ખૂબ જ ફળદાયી રહેશે. નોકરી કે વ્યવસાયમાં સારો સમય આવવાનો છે. વરિષ્ઠોની મદદથી પ્રગતિના માર્ગો ખુલશે. પ્રમોશન અને પગાર વધારો થવાની સંભાવના છે. તુલા રાશિ પર દેવી લક્ષ્મીની વિશેષ કૃપા રહેશે જેના કારણે ધનમાં વૃદ્ધિ થવાની સંભાવના છે.
Disclaimer: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે ABPLive.com કોઈપણ માહિતીનું સમર્થન કે પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો.