Bajaj Pulsar: ભારતમાં લોન્ચ થયું બજાજ પલ્સર NS400Z, ફક્ત 5 હજારમાં કરી શકો છો બુકિંગ

Bajaj Pulsar NS400Z Launched: બજાજ પલ્સર NS400Z હવે ભારતમાં વેચાણ માટે લૉન્ચ કરવામાં આવી છે, જેની કિંમત રૂ. 1.85 લાખ છે, જે તદ્દન કોમ્પિટેટિવ છે. બજાજે પલ્સર NS400Z માટે રૂ. 5,000ની રકમમાં બુકિંગ સ્વીકારવાનું શરૂ કર્યું છે

Bajaj Pulsar NS400Z Launched: બજાજ પલ્સર NS400Z હવે ભારતમાં વેચાણ માટે લૉન્ચ કરવામાં આવી છે, જેની કિંમત રૂ. 1.85 લાખ છે, જે તદ્દન કોમ્પિટેટિવ છે. બજાજે પલ્સર NS400Z માટે રૂ. 5,000ની રકમમાં બુકિંગ સ્વીકારવાનું શરૂ કર્યું છે અને તેની ડિલિવરી આવતા મહિનાથી શરૂ થશે. પલ્સર NS400 એ ડોમિનાર 400 કરતાં લગભગ રૂ 46,000 સસ્તું છે, જે ઘણું નોંધપાત્ર છે.

કોની સાથે છે સ્પર્ધા?
400 cc બાઇકના વર્તમાન સેગમેન્ટમાં આ સૌથી સસ્તી મોટરસાઇકલ છે જે 40 bhp સુધીનો પાવર જનરેટ કરે છે.  પલ્સરનું આ અત્યાર સુધીનું સૌથી પાવરફુલ વર્ઝન છે. નવી પલ્સર ટ્રાયમ્ફ સ્પીડ 400, બજાજ ડોમિનાર અને આગામી રોયલ એનફિલ્ડ ગેરિલા 450 સાથે સ્પર્ધા કરે છે.

ડિઝાઇન
નવી પલ્સર NS400Z નો દેખાવ જાણીતો છે. ફ્રન્ટ એન્ડમાં સિંગલ LED પ્રોજેક્ટર હેડલાઇટ છે, જેની બંને બાજુએ બે લાઈટનિંગ બોલ્ટ આકારના LED DRL અને ટોચ પર એક નાનું ફેયરિંગ છે. તેમાં શેમ્પેન ગોલ્ડ કલરમાં 43 mm USD ફોર્ક, 320 mm ડિસ્ક બ્રેક અને 17-ઇંચ એલોય વ્હીલ્સ છે, જેની ડિઝાઇન અન્ય પલ્સર NS મોડલ્સ જેવી છે. તેના પાછળના ભાગમાં 230 mm ડિસ્ક બ્રેક છે. સાઇડ પ્રોફાઇલમાં જોવામાં આવે તો, પલ્સર NS400Z એક મસ્કુલર ફ્યૂલ ટાંકી ધરાવે છે, જેમાં મોટી ટાંકી એક્સ્ટેંશન છે જે મોટરસાઇકલના સ્ટ્રીટ ફાઇટર દેખાવને કમ્પ્લીટ કરે છે. તેમાં સ્પ્લિટ સીટ છે અને પાછળના ભાગમાં મોટરસાઇકલમાં સિગ્નેચર પલ્સર એલઇડી ટેલલાઇટ્સ છે.

એન્જિન
એન્જિન વિશે વાત કરીએ તો, પલ્સર NS400Zમાં 373 cc સિંગલ-સિલિન્ડર, લિક્વિડ-કૂલ્ડ મોટર છે. આ એન્જિન 6-સ્પીડ ગિયરબોક્સ સાથે જોડાયેલું છે અને તેમાં સ્લિપ અને આસિસ્ટ ક્લચ પણ છે. મોટરસાઇકલમાં રાઇડ-બાય-વાયર ટેક્નોલોજી પણ છે.

ફિચર્સ
ફીચર્સની દ્રષ્ટિએ, આ હજુ સુધી સૌથી વધુ લોડ થયેલ પલ્સર છે જેમાં બ્લુટુથ કનેક્ટિવિટી સાથે નવી ફુલ-કલર એલસીડી સ્ક્રીન આવે છે. કન્સોલમાં બાર-ટાઈપ ફ્યુઅલ ગેજ અને ટેકોમીટરની સાથે સાથે ગિયર પોઝિશન ઈન્ડિકેટર, સ્પીડ માટે મોટી ડિસ્પ્લે અને ઓડોમીટર અને ટ્રિપ મીટર માટે નાનું રીડઆઉટ મળે છે. કન્સોલની જમણી બાજુએ ચોરસ આકારનું ડોટ-મેટ્રિક્સ ડિસ્પ્લે છે જેનો ઉપયોગ ટર્ન-બાય-ટર્ન નેવિગેશન માટે થાય છે. બાઈકમાં મ્યુઝિક અને લેપ ટાઈમર માટે કંટ્રોલ પણ આપવામાં આવ્યા છે.

હાર્ડવેર
મોટરસાઇકલમાં સ્વિચેબલ ટ્રેક્શન કંટ્રોલ, ABS અને ચાર રાઇડિંગ મોડ્સ છે - રોડ, રેઇન, સ્પોર્ટ અને ઑફ-રોડ. મોટરસાઇકલના આગળના ભાગમાં 110/70-17 ટાયર અને પાછળના ભાગમાં 140/70-R17 ટાયર છે. તેની સીટની ઊંચાઈ 807 mm અને ગ્રાઉન્ડ ક્લિયરન્સ 168 mm છે. બજાજ પલ્સર NS400 ચાર કલર વિકલ્પોમાં આવશે, જેમાં ગ્લોસી રેસિંગ રેડ, પ્યુટર ગ્રે, મેટાલિક પર્લ વ્હાઇટ અને બ્રુકલિન બ્લેકનો સમાવેશ થાય છે.

Car loan Information: