Yamaha FZ 25 vs Bajaj Dominar 250: જો તમે સ્પોર્ટ્સ બાઇકના શોખીન છો અને તમારા માટે બાઇક ખરીદવાનું વિચારી રહ્યા છો તો અમે તમારી સુવિધા માટે બે સ્પોર્ટ્સ બાઇક (Yamaha FZ 25 અને Bajaj Dominar 250)ની સરખામણી કરવા જઈ રહ્યા છીએ. જેથી કરીને તમે તમારા માટે સારી બાઇક પસંદ કરી શકો.
શું છે કિંમત?
કિંમત વિશે વાત કરીએ તો Yamaha FZ 25ની કિંમત રૂ. 1.50 લાખ એક્સ-શોરૂમથી શરૂ થાય છે અને બજાજ ડોમિનાર રૂ. 1.75 લાખ એક્સ-શોરૂમમાં ખરીદી શકાય છે. એટલે કે Yamaha FZ 25 સ્પોર્ટ્સ બાઇક બજાજ ડોમિનાર કરતાં લગભગ 25,000 રૂપિયા સસ્તી છે.
એન્જિન
બંને સ્પોર્ટ્સ બાઇકના એન્જિન વિશે વાત કરીએ તો યામાહાની FZ 25માં 249 CC સિંગલ-સિલિન્ડર એન્જિન છે, જે 20.8 PS પાવર અને 20.1 Nm ટોર્ક ઉત્પન્ન કરવામાં સક્ષમ છે. તે 5-સ્પીડ ગિયરબોક્સ સાથે જોડાયેલું છે. બીજી તરફ બજાજના ડોમિનારમાં સિંગલ-સિલિન્ડર 248.77 CC એન્જિન છે જે 27 PS પાવર અને 23.5 Nm ટોર્ક આપવામાં સક્ષમ છે. તે 5-સ્પીડ ગિયરબોક્સ સાથે જોડાયેલું છે.
એટલે કે એન્જીનની બાબતમાં બજાજ ડોમિનાર યામાહાની FZ કરતા આગળ છે.
માઇલેજ
બંને સ્પોર્ટ્સ બાઈકના માઈલેજ વિશે વાત કરીએ તો યામાહા FZ 25 માટે 50.33 km/l ની માઈલેજનો દાવો કરે છે. બીજી તરફ, બજાજ તેના ડોમિનાર માટે 35.03 કિમી/લીની માઈલેજનું વચન આપે છે. બંને બાઇકની માઇલેજ ARAI પ્રમાણિત છે.
એટલે કે Yamaha FZ 25 બજાજ ડોમિનાર કરતા 15 કિમી વધુ માઈલેજ આપવામાં સક્ષમ છે.
બ્રેકિંગ સિસ્ટમ
બંને સ્પોર્ટ્સ બાઇકની બ્રેકિંગ સિસ્ટમ વિશે વાત કરીએ તો Yamaha FZ 25ને ડ્યુઅલ ચેનલ એન્ટી-લોક બ્રેકિંગ સિસ્ટમ સાથે આગળ અને પાછળના બંને વ્હીલ્સ પર ડિસ્ક બ્રેક્સ મળે છે. જ્યારે બજાજ ડોમિનાર 250માં ડબલ ડિસ્ક બ્રેક સાથે ડ્યુઅલ ચેનલ એબીએસ સિસ્ટમનો બ્રેકિંગ સિસ્ટમ તરીકે ઉપયોગ કરવામાં આવ્યો છે.
નિષ્કર્ષ
બંને બાઇકની સરખામણી કરીએ તો Yamaha FZ 25 કિંમત અને માઇલેજની દ્રષ્ટિએ આગળ છે, જ્યારે બજાજ ડોમિનાર 250 એન્જિનના સંદર્ભમાં આગળ છે.
હૈદરાબાદમાં ઇ-મૉટર શૉમાં લૉન્ચ થઇ Hop Oxo Electric Bike, સિંગલ ચાર્જમાં દોડશે 135 થી 150 કિમી સુધી....
હૉપ ઇલેક્ટ્રિકે તેલંગાણા રાજ્ય સરકાર દ્વારા આયોજિત હૈદરાબાદ ઇ-મૉટર શૉમાં પોતાની હૉપ ઓક્સો ઇલેક્ટ્રિક બાઇકને લૉન્ચ કરી છે. આ બાઇકની એક્સ શૉરૂમ કિંમત 1.60 લાખ રૂપિયાથી 1.80 લાખ રૂપિયાની વચ્ચે છે. આ બાઇકને હૈદરાબાદના હિમાયત નગર, ઉપ્પલ, કર્મનઘાટ, મલકપેટ, કોમપલ્લી, કુટપલ્લી, અને મેડચલ જેવા 10 એક્સપીરિયન્સ સેન્ટર પરથી ખરીદી શકાય છે.
5 કલર ઓપ્શનમાં છે હૉપ ઓક્સો ઇલેક્ટ્રિક બાઇક -
હૉપ ઓક્સો ઇલેક્ટ્રિક બાઇકને ટ્વાઇલાઇટ ગ્રે, કેન્ડ રેડ, મેગ્નેટિક બ્લૂ, ઇલેક્ટ્રિક યલો અને ટ્રૂ બ્લેક જેવા 5 કલર ઓપ્શનમાં લૉન્ચ કરવામાં આવી છે. આ બાઇકના તમામ પ્રૉ પેકેજ ફિચર કંપનીના નિયમ અને શરતોના આધિન છે.
Car loan Information:
Calculate Car Loan EMI