Should I buy Scooter Or Bike: બાઇક અને સ્કૂટર અંગે લોકોની પોતાની પસંદગીઓ હોય છે. કેટલાક લોકો બાઇક ખરીદવાનું પસંદ કરે છે જ્યારે કેટલાક લોકો સ્કૂટર પસંદ કરે છે. કેટલાક લોકો એવા છે કે જેઓ બંને સેગમેન્ટના વાહનોને તેમની જરૂરિયાત મુજબ રાખે છે, તો કેટલાક લોકો એવા છે કે જેઓ સ્કૂટર અને બાઇક વચ્ચે કયું વાહન ખરીદવું તેની મૂંઝવણમાં છે. જો તમે પણ સ્કૂટર અને બાઇક ખરીદવાને લઈને મૂંઝવણમાં છો, તો આજે અમે તમને આ બંને સેગમેન્ટના વાહનો સાથે જોડાયેલી કેટલીક બાબતો જણાવવા જઈ રહ્યા છીએ, જે આશા છે કે તમારી મૂંઝવણ દૂર કરશે.
મુસાફરી
સૌથી પહેલા એ વિચારો કે તમારે તમારા ટુ વ્હીલરમાં કેટલી મુસાફરી કરવી પડશે. જો તમે લાંબી મુસાફરી માટે વાહન ખરીદી રહ્યા હો તો તમે બાઇક ખરીદી શકો છો અને જો તમે ટૂંકી મુસાફરી માટે અથવા ઘરની આસપાસના અંતર માટે વાહન ખરીદી રહ્યા છો તો તમે સ્કૂટર ખરીદી શકો છો.
સામાન લાવવો, લઈ જવો
જો તમારે તમારા ટુ વ્હીલર સાથે બજારમાં જવાનું હોય, બજારમાંથી થોડો સામાન લાવવો હોય તો આ પરિસ્થિતિમાં તમારા માટે સ્કૂટર શ્રેષ્ઠ છે. કારણ કે સ્કૂટરમાં સામાન રાખવા માટે સારી જગ્યા છે જ્યારે બાઇકમાં તમારી પાસે તે જગ્યા ઉપલબ્ધ નથી. બાઇક ફીટ કરેલ વધારાની ડીગી અથવા બેગ દ્વારા તમે આ જગ્યા મેળવી શકો છો.
સ્ત્રીઓ માટે શ્રેષ્ઠ
જો મહિલાએ ટુ વ્હીલરનો ઉપયોગ કરવાનો હોય તો તેમના માટે સ્કૂટર વધુ સારું છે. જોકે આજે ઘણી મહિલાઓ પણ બાઇક ચલાવે છે. તેથી તેમની પસદંગી મુજબ બેમાંથી કોઈ એક વાહન ખરીદી શકે છે.
રાઇડરની ઊંચાઈ
જો ટુ વ્હીલર ચલાવનાર વ્યક્તિની ઊંચાઈ ઓછી હોય તો તેના માટે સ્કૂટર વધુ સારો વિકલ્પ છે. ઊંચાઈ વધારે હોય તો બાઇક સારું પડે છે.
રાઇડિંગ શીખવું
જો તમારે ટુ વ્હીલર ચલાવતા શીખવું હોય તો સ્કૂટર સહેલું છે જ્યારે બાઇક ચલાવતા શીખવું થોડું અઘરું છે. આવી સ્થિતિમાં જો તમે રાઇડિંગ શીખી રહ્યા છો તો તમારા માટે સ્કૂટર શ્રેષ્ઠ વિકલ્પ છે.
Car loan Information:
Calculate Car Loan EMI