Price Hike on Electric Two-Wheelers: Hero MotoCorp, દેશની સૌથી મોટી ટુ-વ્હીલર ઉત્પાદક કંપનીએ તેના ઈલેક્ટ્રિક સ્કૂટર Vida V1ની રિવાઈઝ્ડ ફેમ સ્કીમ IIના કારણે કિંમતમાં વધારો કર્યો છે, જે 1 જૂનથી લાગુ ગણવામાં આવશે. કંપનીએ તેના સ્કૂટરની કિંમતમાં કેટલા રૂપિયાનો વધારો કર્યો છે? અમે તેની માહિતી આગળ આપવા જઈ રહ્યા છીએ.


કિંમત 


Hero MotorCorp એ તેના ફ્લેગશિપ સ્કૂટર Vida V1 ની કિંમતમાં 6,000 રૂપિયાનો વધારો કર્યો છે, જેના પછી હવે આ સ્કૂટરને 1,45,900 રૂપિયાની કિંમતે ખરીદી શકાય છે.


તો એટલે ભાવમાં થયો વધારો


ઇલેક્ટ્રિક ટુ-વ્હીલર બનાવતી કંપનીઓ એક પછી એક તેમના ઇલેક્ટ્રિક સ્કૂટરની નવી કિંમતો જાહેર કરી રહી છે. તેનું કારણ ભારે ઉદ્યોગ મંત્રાલય દ્વારા ઇલેક્ટ્રિક ટુ-વ્હીલરની એક્સ-ફેક્ટરી કિંમત પર 40%ની મર્યાદા ઘટાડીને 15% કરવાનું છે. જાણકારી અનુસાર, રિવાઈઝ્ડ ફેમ II સ્કીમના કારણે ઈલેક્ટ્રિક સ્કૂટરની સબસિડીમાં લગભગ 32,000 રૂપિયા પ્રતિ યુનિટનો ઘટાડો કરવામાં આવ્યો છે. જેના કારણે બજારમાં હાજર અન્ય ઘણા ઈલેક્ટ્રિક ટુ વ્હીલર ઉત્પાદકોએ પણ તેમના ઈલેક્ટ્રિક સ્કૂટરની કિંમતમાં વધારો કર્યો છે.


TVS મોટરે તેના ઇલેક્ટ્રિક સ્કૂટર TVS iQubeની કિંમતમાં વિવિધ મોડલ પર 17000-22000 રૂપિયાનો વધારો કર્યો છે.


Ather Energyએ પણ તેના ઈલેક્ટ્રિક સ્કૂટરની કિંમતમાં લગભગ રૂ. 8,000નો વધારો કર્યો છે, જે પછી Ather 450Xની કિંમત રૂ. 1,45,000 એક્સ-શોરૂમ છે. આ ઉપરાંત કંપની Ather 450X Pro પણ વેચે છે, જેની કિંમત હવે રૂ. 1,65,464 એક્સ-શોરૂમ છે.


ઓલાએ તેના ઇલેક્ટ્રિક સ્કૂટરની કિંમતમાં પણ વધારો કર્યો છે, જેના પછી Ola S1 Airની કિંમત 1,09,999 રૂપિયા, S1ની કિંમત 1,29,999 રૂપિયા અને S1 Proની કિંમત 1,39,999 રૂપિયા છે. એટલે કે કિંમત લગભગ રૂ. 15,000 સુધી વધારી દેવામાં આવી છે.


હીરો ઈલેક્ટ્રિક સ્કૂટરની વાત કરીએ તો કંપનીએ તેના કોઈપણ ઈલેક્ટ્રિક સ્કૂટરની કિંમતમાં વધારો કર્યો નથી. કંપનીનું કહેવું છે કે તેના ઇલેક્ટ્રિક સ્કૂટરની કિંમતમાં વધારો નહીં કરીને તે લોકોને તેને ખરીદવા માટે પ્રેરિત કરવાનું ચાલુ રાખશે.


Tech News : હવેથી ઇન્ટરનેટ વિના પણ WhatsApp ચલાવી શકાશે


WhatsApp update: મેટાએ તાજેતરમાં જ WhatsApp યુઝર્સને પ્રાઈમરી ડિવાઈસ સિવાય 4 અલગ-અલગ ઉપકરણોમાં તેમનું એકાઉન્ટ ખોલવાનો વિકલ્પ આપ્યો છે. યુઝર્સને હવે અન્ય ડિવાઈસ પર WhatsApp ખોલવા માટે મુખ્ય ડિવાઈસ પર નિર્ભર રહેવાની જરૂર નથી અને તેઓ ઇન્ટરનેટ વિના પણ અન્ય ડિવાઈસ પર તેમનું WhatsApp એકાઉન્ટ ચલાવી શકે છે. હાલમાં યુઝર્સ તેમના WhatsApp એકાઉન્ટને ફક્ત લેપટોપ, ડેસ્કટોપ અથવા અન્ય Android ફોન્સ સાથે કનેક્ટ કરી શકે છે. એકાઉન્ટને આઈપેડ સાથે કનેક્ટ કરવાનો વિકલ્પ એપ પર નથી. પરંતુ હવે યુઝર્સને જલ્દી જ આ વિકલ્પ મળશે.


આ છે અપડેટ 


વોટ્સએપના ડેવલપમેન્ટ પર નજર રાખતી વેબસાઈટ Wabetainfo અનુસાર, કંપની ટૂંક સમયમાં WhatsApp એકાઉન્ટને આઈપેડ સાથે લિંક કરવાની સુવિધા આપવા જઈ રહી છે. એટલે કે એપ આઈપેડને એક ડિવાઈસ ગણશે અને યુઝર્સ તેમના એકાઉન્ટને તેની સાથે કનેક્ટ કરી શકશે. હાલમાં આ અપડેટ WhatsApp બીટાના વર્ઝન 2.23.12.12માં જોવામાં આવ્યું છે. આવનારા સમયમાં કંપની તેને દરેક માટે રોલઆઉટ કરી શકે છે.


Car loan Information:

Calculate Car Loan EMI