Motor Vehicle Act: ...તો 16 વર્ષની ઉંમરે સગીરો ચલાવી શકશે સ્કૂટર-મોટરસાઈકલ, સરકારનો મોટર વ્હીકલ એક્ટમાં સુધારાનો પ્રસ્તાવ

Motor Vehicle Act Update: સગીર વયના ડ્રાઇવિંગની સમસ્યાનો સામનો કરવા માટે, મંત્રાલયે 16 થી 18 વર્ષની વયના લોકોને 25 કિલોમીટર પ્રતિ કલાકની ઝડપે વાહન ચલાવવાની મંજૂરી આપવાનો પ્રસ્તાવ મૂક્યો છે.

Motor Vehicle Act Update: માર્ગ પરિવહન અને ધોરીમાર્ગ મંત્રાલયે મોટર વાહન અધિનિયમમાં મહત્વપૂર્ણ સુધારાની દરખાસ્ત કરી છે, જેના હેઠળ મોટર એક્સીડેન્ટ ક્લેમ્સ ટ્રિબ્યુનલને કેસના નિકાલ માટે 12 મહિનાની સમય મર્યાદા આપવામાં આવશે. આ ઉપરાંત, સુધારામાં કોમર્શિયલ ઉપયોગ માટે મોટરસાઇકલને કોન્ટ્રાક્ટ કેરેજ તરીકે માન્યતા આપવાનો પ્રસ્તાવ છે. આ સાથે, એગ્રીગેટર્સ રેપિડો અને ઉબેર જેવી કંપનીઓ કાયદેસર રીતે મોટરસાયકલનો વ્યાવસાયિક ઉપયોગ કરી શકશે.

કેબ એગ્રીગેટર્સ મોટરસાયકલનો ઉપયોગ કરી શકશે
ટાઈમ્સ ઓફ ઈન્ડિયાના રિપોર્ટ દ્વારા આ જાણકારી સામે આવી છે. હાલમાં, પરિવહન માટે ઉપયોગમાં લેવાતા તમામ વાહનોનો કોન્ટ્રાક્ટ કેરેજ તરીકે ઉપયોગ કરી શકાય છે. રોડ ટ્રાન્સપોર્ટ અને હાઈવે મંત્રાલયના મોટર વ્હીકલ એક્ટમાં સુધારો કરવાની દરખાસ્ત મોટરસાઈકલના ઉપયોગ અંગે કાયદાકીય સ્પષ્ટતા આપવામાં મદદ કરશે. અહેવાલ મુજબ, ઘણા રાજ્યોએ રાઇડ-હેલિંગ સેવાઓ માટે મોટરસાઇકલના ઉપયોગ પર પ્રતિબંધ મૂક્યો હતો, જેના પર મંત્રાલય આ સુધારા પ્રસ્તાવ સાથે આવી રહ્યું છે. મુસાફરોની સુરક્ષાને ધ્યાનમાં રાખીને, મંત્રાલય મોટરસાયકલનો સમાવેશ કરવા માટે કેબ એગ્રીગેટર્સ માર્ગદર્શિકામાં સુધારો કરવા જઈ રહ્યું છે.

16-18 વર્ષના યુવાનોને મોટરસાયકલ ચલાવવાની છૂટ!
સગીર વયના ડ્રાઇવિંગની સમસ્યાનો સામનો કરવા માટે, મંત્રાલયે 16 થી 18 વર્ષની વયના લોકોને 25 કિલોમીટર પ્રતિ કલાકની ઝડપે મહત્તમ 1500 વોટની મોટર પાવર સાથે 50 સીસી મોટરસાઇકલ અથવા ઇલેક્ટ્રિક સ્કૂટર-મોટરસાઇકલ ચલાવવાની મંજૂરી આપવાનો પ્રસ્તાવ મૂક્યો છે. રોડ ટ્રાન્સપોર્ટ અને હાઇવે મંત્રાલય સંસદના શિયાળુ સત્રમાં મોટર વ્હીકલ એક્ટમાં 67 પ્રસ્તાવિત સુધારા રજૂ કરવા જઈ રહ્યું છે જેમાં શૈક્ષણિક સંસ્થાઓની બસોની નવી વ્યાખ્યા સાથે હળવા મોટર વાહનો (LMV)ને તેમના કુલ વજનના આધારે ફરીથી વર્ગીકૃત કરવાનો પ્રસ્તાવ છે. આ સુધારાઓમાં થ્રી-વ્હીલરને પણ સુપ્રીમ કોર્ટના કેસ બાદ વ્યાખ્યાયિત કરવામાં આવી રહી છે.

શૈક્ષણિક સંસ્થાઓની બસો પર કડકાઈ વધશે
શૈક્ષણિક સંસ્થાઓની બસોની નવી પરિભાષા અંગે જે સુધારા લાવવામા આવી રહ્યા છે તે પ્રમાણે ડ્રાઇવરને બાદ કરતાં છથી વધુ લોકો જેમને વિદ્યાર્થીઓ અને કર્મચારીઓના પરિવહન માટે સંસ્થા દ્વારા ખરીદવામાં આવ્યા હોય અથવા ભાડે લેવામાં આવ્યા હોય અથવા ભાડે રાખવામાં આવ્યા હોય. આ દરખાસ્ત મુજબ, સંસ્થાઓ અને ડ્રાઇવરોની જવાબદારી વધારવા માટે, મંત્રાલયે આવી બસોના ટ્રાફિક નિયમોનું ઉલ્લંઘન કરવા બદલ દંડ બમણો કરવાનો પ્રસ્તાવ મૂક્યો છે. અન્ય પ્રસ્તાવિત સુધારો રાજ્યોને છ મહિનાની અંદર કેબ એગ્રીગેટર્સ, ઓટોમેટેડ ટેસ્ટ સ્ટેશનો અને માન્ય ડ્રાઈવર તાલીમ કેન્દ્રો માટેની અરજીઓ પર પ્રક્રિયા કરવા કહેશે. જો રાજ્યો આ સમય મર્યાદામાં પગલાં નહીં લે તો કેન્દ્ર સરકારની માર્ગદર્શિકા લાગુ થશે.

આ પણ વાંચો...

Car loan Information: