Hyundai affordable EV India: ભારતમાં ઇલેક્ટ્રિક કારની વધતી ડિમાન્ડ વચ્ચે હ્યુન્ડાઇ (Hyundai) મોટો ધમાકો કરવાની તૈયારીમાં છે. કંપની પોતાની અત્યાર સુધીની સૌથી સસ્તી ઇલેક્ટ્રિક SUV લોન્ચ કરવા જઈ રહી છે, જે સિંગલ ચાર્જ પર 500 કિલોમીટર સુધીની રેન્જ આપશે. આગામી 2026-27 નાણાકીય વર્ષ સુધીમાં આ પોસાય તેવી ઇલેક્ટ્રિક કાર અને એક નવી મિડ-સાઇઝ પ્રીમિયમ SUV માર્કેટમાં ઉતારવામાં આવશે. આ નવી EVના આવવાથી ભારતીય બજારમાં ઇલેક્ટ્રિક કાર્સની લોકપ્રિયતા હજુ વધશે અને ગ્રાહકોને એક શાનદાર વિકલ્પ મળશે.
આ નવી સસ્તી ઇલેક્ટ્રિક SUV હ્યુન્ડાઇના લેટેસ્ટ E-GMP પ્લેટફોર્મ પર બનાવવામાં આવશે. માર્કેટમાં તેને હ્યુન્ડાઇ ક્રેટા (Creta) ઇલેક્ટ્રિકની નીચેના સેગમેન્ટમાં રાખવામાં આવશે. લુકની વાત કરીએ તો આ કાર બોક્સી ડિઝાઇનવાળી હશે, જેના કારણે અંદર બેસવા માટે ખુલ્લી અને આરામદાયક જગ્યા મળી રહેશે. માર્કેટમાં લોન્ચ થયા પછી આ કાર સીધી Tata Punch EV અને Tata Nexon EV જેવી લોકપ્રિય ઇલેક્ટ્રિક કાર્સને જોરદાર ટક્કર આપશે.
બેટરી અને પાવરની વાત કરીએ તો, આ નવી EVમાં 42kWh અને 49kWh એમ બે બેટરી પેકના ઓપ્શન મળી શકે છે. તેમાં સિંગલ મોટર સેટઅપ જોવા મળશે જે આગળના વ્હીલ્સને પાવર આપશે. સૌથી મોટી ખાસિયત એ છે કે આ કારને એકવાર ફૂલ ચાર્જ કર્યા પછી તે 400 થી 500 કિલોમીટર સુધી આરામથી ચાલી શકશે. રોજના ઉપયોગ અને લાંબા અંતરની મુસાફરી માટે આ રેન્જ બહુ જ સારી અને પર્યાપ્ત માનવામાં આવે છે.
એક જ ચાર્જમાં 610 KM દોડશે આ અદ્ભુત EV કાર, 11 મેથી બુકિંગ શરૂ; જાણો વિગત
આ કારનો લુક એકદમ ફ્યુચરિસ્ટિક એટલે કે આધુનિક હશે. તેમાં હ્યુન્ડાઇની સિગ્નેચર પિક્સેલ ડિઝાઇન, ફ્લશ ડોર હેન્ડલ્સ અને સ્ટાઇલિશ એલોય વ્હીલ્સ જોવા મળશે. અંદરથી આ કારનું કેબિન નવી Hyundai Venue જેવું જ આધુનિક અને પ્રીમિયમ હોઈ શકે છે. આ સિવાય, કંપની એક બીજી નવી મિડ-સાઇઝ SUV પર પણ કામ કરી રહી છે જે અલ્કાઝાર (Alcazar) ની ઉપરના પ્રીમિયમ સેગમેન્ટમાં આવશે. એકંદરે, હ્યુન્ડાઇ આગામી વર્ષોમાં ભારતીય બજારમાં પોતાની પકડ વધુ મજબૂત કરવા જઈ રહી છે.
પેટ્રોલના ખર્ચામાંથી મુક્તિ! 400km રેન્જવાળી આ EV કારો બચાવશે તમારા લાખો રૂપિયા
Car loan Information:
Calculate Car Loan EMI