MG Motor NEV Architecture: ભારતમાં છેલ્લા કેટલાક વર્ષોથી એવું જોવા મળી રહ્યું છે કે, લોકો ઇલેક્ટ્રિક અને હાઇબ્રિડ ગાડીઓને વધુ પસંદ કરી રહ્યા છે. જેના કારણે તમામ ઓટોમોબાઇલ કંપનીઓ પણ આ જ ગાડીઓને મહત્વ આપી રહી છે. જણાવી દઈએ કે, અત્યારે ટાટા મોટર્સ અને મહિન્દ્રા આ દિવસોમાં હાઇબ્રિડ ગાડીઓમાં દમ બતાવી રહી છે. પરંતુ હવે માર્કેટમાં તેમને જોરદાર ટક્કર મળવા જઈ રહી છે. કારણ કે, હવે જેએસડબ્લ્યુ એમજી મોટર ઇન્ડિયાએ એક ખૂબ જ શાનદાર પગલું ભરી લીધું છે.
કારણ કે, એમજીએ ભારતનું પહેલું મલ્ટી ન્યૂ એનર્જી વ્હીકલ પ્લેટફોર્મ રજૂ કર્યું છે. જેને એમજી એડાપ્ટ (MG ADAPT) નામ આપવામાં આવ્યું છે. આ એક એવી ટેકનોલોજી છે જે સામે આવતા જ કાર બજારનું આખું સમીકરણ બદલાઈ જશે. ચાલો સમજીએ કે આખરે આ પ્લેટફોર્મમાં એવું શું ખાસ છે જે ટાટા અને મહિન્દ્રા જેવી દિગ્ગજ કંપનીઓની ઊંઘ હરામ કરવા માટે પૂરતું છે.
આ પણ વાંચો...125cc થી 350cc સુધી... કઈ બાઇક આપશે સૌથી વધુ વેલ્યુ? ખરીદતા પહેલાં જાણી લો આખું ગણિત
હવે બનશે 4 અલગ-અલગ પ્રકારની ગાડીઓ
તમને જણાવી દઈએ કે, કાર કંપનીઓએ ઇલેક્ટ્રિક ગાડી માટે અલગ પ્લેટફોર્મ અને હાઇબ્રિડ કે પેટ્રોલ કાર માટે અલગ ચેસિસ તૈયાર કરવી પડતી હતી. જેમાં કંપનીનો મોટો ખર્ચ અને સમય ખૂબ જ વધારે જતો હતો. પરંતુ એમજીનું આ એડાપ્ટ એક ખૂબ જ વર્સેટાઈલ અને મોડ્યુલર આર્કિટેક્ચર છે.
આનો અર્થ એ છે કે આ જ એક સિંગલ બેઝનો ઉપયોગ કરીને કંપની પ્યોર ઇલેક્ટ્રિક વ્હીકલ, સ્ટ્રોંગ હાઇબ્રિડ, પ્લગ-ઇન હાઇબ્રિડ અને રેન્જ એક્સટેન્ડર ઇલેક્ટ્રિક વ્હીકલ જેવી ચાર અલગ-અલગ ટેકનોલોજી વાળી કારો બનાવી શકે છે. એમજી આવું કરનારી ભારતમાં પહેલી કંપની બનશે.
જાણો શું છે ફીચર્સ?
જ્યારે હવે હાઇબ્રિડ કારોને નેક્સ્ટ લેવલ પર લઈ જવા માટે આ પ્લેટફોર્મમાં ભારતની પહેલી 10-in-1 ઇન્ટેલિજન્ટ ઇલેક્ટ્રિક ડ્રાઇવ યુનિટ અને દુનિયાનું પહેલું ઇલેક્ટ્રોમેગ્નેટિક ડેડિકેટેડ હાઇબ્રિડ ટ્રાન્સમિશન આપવામાં આવ્યું છે. આમાં એક ઇન્ટેલિજન્ટ એનર્જી મેનેજમેન્ટ સિસ્ટમ લાગેલી છે જે રોડના હિસાબે 4 ડ્રાઇવિંગ મોડ્સ પોતે જ પસંદ કરી લે છે.
તેમાં સિટી માટે પ્યોર ઇલેક્ટ્રિક, વીજળી બનાવવા માટે સિરીઝ હાઇબ્રિડ જ્યારે એક્સ્ટ્રા પાવર માટે પેરેલલ હાઇબ્રિડ અને હાઇવે માટે એન્જિન ડાયરેક્ટ ડ્રાઇવ સામેલ છે. આ સિવાય આમાં REEV ટેકનોલોજી પણ છે જેમાં વ્હીલ્સ હંમેશા મોટરથી જ ચાલશે અને પેટ્રોલ એન્જિન માત્ર બેટરી ચાર્જ કરવા માટે જનરેટરનું કામ કરશે.
Car loan Information:
Calculate Car Loan EMI