Affordable electric scooters: આજકાલ ઇલેક્ટ્રિક સ્કૂટર માત્ર મુસાફરી કરવાનું જ સાધન નથી રહ્યા, પણ તે હવે સ્માર્ટફોન જેટલા જ સ્માર્ટ બની ગયા છે. હવે બજેટ સ્કૂટર્સમાં પણ મોટી ટચસ્ક્રીન ડિસ્પ્લે જોવા મળે છે, જેના દ્વારા તમે આસાનીથી મેપ (નેવિગેશન), કોલિંગ અને મ્યુઝિકને કંટ્રોલ કરી શકો છો. જો તમે પણ કોઈ સ્માર્ટ, સ્ટાઇલિશ અને ફીચર્સથી ભરપૂર એવું ઇલેક્ટ્રિક સ્કૂટર ખરીદવાનું વિચારી રહ્યા છો, તો અમે તમને બજારમાં ઉપલબ્ધ 5 એવા શાનદાર સ્કૂટર્સ વિશે જણાવીશું, જે બેસ્ટ ટચસ્ક્રીનની સાથે સાથે દમદાર રેન્જ પણ આપે છે અને રોજિંદા વપરાશ માટે એકદમ પરફેક્ટ સાબિત થઈ શકે છે.
1. Simple One (સિમ્પલ વન)
લાંબી રેન્જ માટે જાણીતા આ સ્કૂટરમાં 7 ઇંચની સ્માર્ટ ટચસ્ક્રીન ડિસ્પ્લે મળે છે.
ફીચર્સ: તેમાં ગૂગલ મેપ્સ, કોલ અને મ્યુઝિક કંટ્રોલની સુવિધા છે. ખાસ વાત એ છે કે તેને સ્માર્ટવોચ સાથે પણ કનેક્ટ કરી શકાય છે અને ચોરી થવા પર તેમાં તમને એલર્ટ પણ મળે છે.
રેન્જ અને કિંમત: આ સ્કૂટર 2 બેટરી ઓપ્શનમાં આવે છે અને ફૂલ ચાર્જમાં 265 કિમીની જોરદાર રેન્જ આપે છે. તેની શરૂઆતી કિંમત 1.69 લાખ રૂપિયા છે.
2. Ather 450X (એથર 450X)
પોતાની જબરદસ્ત ડિઝાઇન અને લેટેસ્ટ ટેકનોલોજી માટે Ather 450X ખૂબ જ લોકપ્રિય છે. પ્રીમિયમ અનુભવ માંગતા લોકો માટે આ બેસ્ટ ઓપ્શન છે.
ફીચર્સ: તેમાં 7 ઇંચની ટચસ્ક્રીન છે જેને તમે મોબાઈલની જેમ વાપરી શકો છો. ગૂગલ મેપ્સ અને મ્યુઝિકની સાથે તેમાં એલેક્સા (Alexa) નો સપોર્ટ પણ મળે છે.
રેન્જ અને કિંમત: 1.46 લાખ રૂપિયાથી શરૂ થતા આ સ્કૂટરમાં તમને ફૂલ ચાર્જ પર આશરે 161 કિમીની રેન્જ મળે છે.
3. Ola S1 Pro Gen 3 (ઓલા એસ1 પ્રો જેન 3)
જો તમારે ઓછી કિંમતમાં વધુ ફીચર્સ જોઈતા હોય તો Ola S1 Pro Gen 3 એક શાનદાર વિકલ્પ છે.
ફીચર્સ: લેટેસ્ટ સોફ્ટવેર સાથે આવતા આ સ્કૂટરમાં 7 ઇંચની ટચસ્ક્રીન, મેપ, કોલ અને મ્યુઝિક કંટ્રોલ જેવી તમામ સુવિધાઓ હાજર છે.
રેન્જ અને કિંમત: આ સ્કૂટરની શરૂઆતી કિંમત માત્ર 1.02 લાખ રૂપિયા છે, જે તેને ખૂબ જ સસ્તું બનાવે છે. રોજિંદા વપરાશ માટે આ સ્કૂટર સિંગલ ચાર્જમાં 242 કિમી સુધીની લાંબી રેન્જ આપે છે.
4. TVS iQube ST (ટીવીએસ આઈક્યુબ એસટી)
TVS બ્રાન્ડનું આ એક અત્યંત ભરોસાપાત્ર અને મજબૂત ઇલેક્ટ્રિક સ્કૂટર છે.
ફીચર્સ અને રેન્જ: આ સ્કૂટરમાં પણ 7 ઇંચની ટચસ્ક્રીન અને તમામ બેઝિક સ્માર્ટ ફીચર્સ મળે છે. તે 2 બેટરી વિકલ્પો સાથે આવે છે. તેના મોટા મોડલમાં ફૂલ ચાર્જ પર 212 કિમી સુધીની રેન્જ મળે છે.
કિંમત: આ સ્કૂટરની કિંમત 1.71 લાખ રૂપિયા છે.
5. Ather Rizta (એથર રિઝ્ટા)
જે લોકો ફેમિલી માટે એક સારો અને સ્માર્ટ ઓપ્શન શોધી રહ્યા છે, તેમના માટે Ather Rizta એક બેસ્ટ ચોઈસ છે.
ફીચર્સ અને રેન્જ: આ કૌટુંબિક સ્કૂટરમાં પણ સ્માર્ટ 7 ઇંચ ડિસ્પ્લે આપવામાં આવી છે. તે સિંગલ ચાર્જમાં લગભગ 159 કિમી સુધીની રેન્જ આપે છે.
કિંમત: આ સ્કૂટર 1.30 લાખ રૂપિયાની આકર્ષક કિંમતે બજારમાં ઉપલબ્ધ છે.
Car loan Information:
Calculate Car Loan EMI