Skoda Slavia Style Edition: સ્કોડા ઇન્ડિયાએ ભારતીય બજારમાં મધ્યમ કદની સેડાન સ્લાવિયાનું નવું લિમિટેડ એડિશન વેરિઅન્ટ લોન્ચ કર્યું છે. સ્કોડા સ્લાવિયા સ્ટાઈલ એડિશનના નામથી લોન્ચ કરાયેલા આ સ્પેશિયલ એડિશનની એક્સ-શોરૂમ કિંમત 19.13 લાખ રૂપિયા છે. આ નવી કારના માત્ર 500 યુનિટ જ વેચાણ માટે ઉપલબ્ધ હશે. આ મર્યાદિત વેરિઅન્ટ અનેક કોસ્મેટિક અપડેટ્સ સાથે આવે છે અને માત્ર એક પાવરટ્રેન વિકલ્પમાં ઉપલબ્ધ છે.
સ્લાવિયા પાવરટ્રેન
સ્કોડા સ્લાવિયા સ્ટાઇલ એડિશન સેડાનના ટોપ-ઓફ-ધ-લાઇન સ્ટાઇલ વેરિઅન્ટ પર આધારિત છે. તેની કિંમત રેગ્યુલર સ્ટાઈલ વેરિઅન્ટ કરતાં લગભગ 30,000 રૂપિયા વધારે છે. આ સેડાનને પાવર આપવા માટે 1.5-લિટર 4-સિલિન્ડર ટર્બોચાર્જ્ડ પેટ્રોલ એન્જિન છે, જે 150PS પાવર અને 250Nm ટોર્ક જનરેટ કરે છે. આ એન્જિન 7-સ્પીડ DSG અથવા ડ્યુઅલ-ક્લચ ઓટોમેટિક ગિયરબોક્સ દ્વારા ફ્રન્ટ વ્હીલ ડ્રાઇવ સિસ્ટમ સાથે જોડાયેલું છે.
સ્કોડા સ્લાવિયા સ્ટાઇલ એડિશન કલર વિકલ્પો
સ્લાવિયા સ્ટાઇલ એડિશન 3 કલર વિકલ્પોમાં ઉપલબ્ધ છે, જેમાં કેન્ડી વ્હાઇટ, બ્રિલિયન્ટ સિલ્વર અને ટોર્નેડો રેડનો સમાવેશ થાય છે. સેડાન ઘણા નવા ફીચર્સથી સજ્જ છે, જેમાં ડ્યુઅલ ડેશ કેમેરા, સ્લેવિયા સ્કફ પ્લેટ, ઇલેક્ટ્રિકલી એડજસ્ટેબલ અને વેન્ટિલેટેડ ફ્રન્ટ સીટો અને બીજી ઘણી બધી સુવિધાઓ છે.
સ્કોડા સ્લાવિયા સ્ટાઇલ એડિશનની વિશેષતાઓ
આ સ્પેશિયલ વેરિઅન્ટમાં ઈલેક્ટ્રિક સનરૂફ સાથે બ્લેક રૂફ ફોઈલ, સ્ટીયરિંગ વ્હીલ 'સ્ટાઈલ એડિશન' બેજિંગ, ડ્યુઅલ ડેશ કેમેરા, સ્લાવિયા સ્કફ પ્લેટ, બી-પિલર પર સ્પેશિયલ 'સ્ટાઈલ એડિશન' બેજિંગ, ઇલેક્ટ્રિકલી એડજસ્ટેબલ ફ્રન્ટ સીટ, વેન્ટિલેટેડ ફ્રન્ટ સીટ, સ્કોડા લોગો લોન્ચ કરવામાં આવ્યો છે. તે પુડલ લેમ્પ્સ અને સબવૂફર સાથે 10-ઇંચની ઇન્ફોટેનમેન્ટ સિસ્ટમ સાથે પણ આવે છે.
કોની સાથે સ્પર્ધા કરશે ?
આ સ્કોડા સ્લાવિયા સ્ટાઈલ એડિશન કાર હ્યુન્ડાઈ વર્ના અને હોન્ડા સિટી સાથે સ્પર્ધા કરે છે, હ્યુંડાઈ વર્નામાં 1.5 લિટર પેટ્રોલ અને 1.5 લિટર ટર્બો પેટ્રોલ એન્જિનનો વિકલ્પ છે. જ્યારે હોન્ડા સિટીમાં 1.5 લિટર પેટ્રોલ અને 1.5 લિટર એટકિન્સન સાયકલ પેટ્રોલ હાઇબ્રિડ એન્જિનનો વિકલ્પ છે.
Upcoming Cars: શાનદાર પરફોર્મન્સવાળી કાર જોઈએ છે ? તો થોડી રાહ જુઓ, ટૂંક સમયમાં આવશે આ 3 મોડલ
Join Our Official Telegram Channel:
https://t.me/abpasmitaofficial
Car loan Information:
Calculate Car Loan EMI