Tata Sierra EV price 2026: જો તમે લાંબી ડ્રાઇવિંગ રેન્જ, આધુનિક ટેકનોલોજી અને મજબૂત સેફ્ટી ફીચર્સથી સજ્જ ઇલેક્ટ્રિક કાર ખરીદવાનું વિચારી રહ્યા હોવ, તો ટાટાની આ આઈકોનિક કાર 'સીએરા' હવે નવા ઇલેક્ટ્રિક અવતારમાં તમારી સામે છે. ઘણા વર્ષો પછી પરત ફરેલી આ સીએરા EV માત્ર દેખાવમાં જ નહીં, પણ ફીચર્સમાં પણ ઘણી પ્રીમિયમ છે. જો તમે પણ આ SUV ઘર લાવવાનું સપનું જોઈ રહ્યા હોવ, તો તમારે તેની કિંમત અને માસિક હપ્તા (EMI) નું ગણિત સમજવું ખૂબ જરૂરી છે.
કિંમત અને ફાઇનાન્સનું ગણિત
ટાટા સીએરા EV ની શરૂઆતની એક્સ-શોરૂમ કિંમત 18.79 લાખ રૂપિયાથી થાય છે, જ્યારે તેના ટોપ વેરિઅન્ટ માટે તમારે 25.99 લાખ રૂપિયા સુધી ખર્ચવા પડી શકે છે. જો તમે દિલ્હી જેવા શહેરમાં છો, તો ત્યાં ઇલેક્ટ્રિક વાહનો પર RTO ફી માફ હોવાથી ઓન-રોડ કિંમતમાં તમને મોટો ફાયદો મળી શકે છે, જે આશરે 19.75 લાખ રૂપિયા જેટલી થઈ શકે છે.
જો તમે 5 લાખ રૂપિયા ડાઉન પેમેન્ટ કરો છો અને બાકીની રકમ માટે 10% વ્યાજ દરે 5 વર્ષ માટે લોન લો છો, તો તમારો માસિક EMI આશરે 31,358 રૂપિયા આવશે. આ ગણતરી મુજબ, જો તમારો માસિક પગાર 70,000 રૂપિયાની આસપાસ હોય, તો તમે આ કાર ખરીદવાનું આયોજન કરી શકો છો.
રેન્જ અને પાવર
સીએરા EV બે બેટરી પેક વિકલ્પોમાં ઉપલબ્ધ છે: 63 kWh અને 75 kWh. કંપનીના દાવા મુજબ, મોટું બેટરી પેક એકવાર ફૂલ ચાર્જ કરવા પર 665 કિલોમીટર સુધીની શાનદાર રેન્જ આપે છે, જ્યારે નાનું બેટરી પેક 560 કિલોમીટરથી વધુની મુસાફરી કરાવી શકે છે. વધુમાં, તેમાં DC ફાસ્ટ ચાર્જિંગની સુવિધા છે, જે લાંબા અંતરની મુસાફરી કરતા લોકો માટે ખૂબ જ ફાયદાકારક છે.
આ પણ વાંચોઃ BYD ની નવી ઇલેક્ટ્રિક કાર લોન્ચ: સિંગલ ચાર્જમાં 900 km રેન્જ, રોલ્સ રોયસ જેવી લક્ઝરી
કારની ખાસિયતો જે તમને દીવાના કરી દેશે
આ કારમાં સુવિધાઓનો ખજાનો છે:
આધુનિક ડેશબોર્ડ: ટ્રિપલ-સ્ક્રીન સેટઅપ, જેમાં ડિજિટલ ઇન્સ્ટ્રુમેન્ટ ક્લસ્ટર, મોટી ટચસ્ક્રીન અને પેસેન્જર માટે અલગ ડિસ્પ્લે છે.
આરામદાયક ફીચર્સ: પેનોરેમિક સનરૂફ, વેન્ટિલેટેડ અને પાવર્ડ સીટ્સ.
કનેક્ટિવિટી: પ્રીમિયમ સાઉન્ડ સિસ્ટમ સાથે વાયરલેસ એન્ડ્રોઇડ ઓટો અને એપલ કારપ્લે.
ટૂંકમાં કહીએ તો, જો તમે લાંબા ગાળાના આયોજન સાથે અને બજેટનું ધ્યાન રાખીને ખરીદી કરશો, તો ટાટા સીએરા EV તમારી સફરને વધુ રોમાંચક અને સુવિધાજનક બનાવી દેશે.
આ પણ વાંચોઃ જૂની પેટ્રોલ-ડીઝલ કારને જ બનાવો ઇલેક્ટ્રિક! જાણો EV રેટ્રોફિટિંગનો ખર્ચ અને નિયમો
Car loan Information:
Calculate Car Loan EMI