cheapest cars India: ભારતીય ઓટોમોબાઈલ માર્કેટમાં GST દરો ઘટ્યા બાદ બજેટ કાર ખરીદવી વધુ પોસાય તેમ બની છે. જો તમારું બજેટ ₹5 લાખ રૂપિયાથી ઓછું છે અને તમે ઉત્તમ માઈલેજ તેમજ 6 એરબેગ્સ જેવી અદ્યતન સુરક્ષા સુવિધાઓ ધરાવતી કાર શોધી રહ્યા છો, તો આ યાદી તમારા માટે છે. મારુતિ સુઝુકી, ટાટા મોટર્સ અને રેનો જેવી અગ્રણી કંપનીઓ હવે એન્ટ્રી-લેવલ સેગમેન્ટમાં પણ 6 એરબેગ્સ જેવા મહત્વપૂર્ણ સેફ્ટી ફીચર્સ ઓફર કરી રહી છે, જે આ કારોને વધુ સુરક્ષિત બનાવે છે.
1. મારુતિ સુઝુકી S-Presso
આ લિસ્ટમાં મારુતિ S-Presso એક મજબૂત માઇક્રો SUV વિકલ્પ છે. GST ઘટાડા બાદ, તેની પ્રારંભિક કિંમત ₹3.49 લાખ થઈ ગઈ છે, જે તેને બજેટ ખરીદદારો માટે શ્રેષ્ઠ વિકલ્પ બનાવે છે. તેની બોક્સી ડિઝાઇન અને 180 mm નું ઉંચુ ગ્રાઉન્ડ ક્લિયરન્સ તેને SUV જેવો વિશિષ્ટ લુક આપે છે. આ કાર 1.0-લિટર K10C પેટ્રોલ એન્જિન દ્વારા સંચાલિત છે, જે 66 PS પાવર અને 89 Nm ટોર્ક જનરેટ કરે છે. તેનો CNG વેરિઅન્ટ 33 km/kg સુધીની શાનદાર માઈલેજ આપે છે. આંતરિક ફીચર્સમાં 7-ઇંચની ટચસ્ક્રીન અને સ્ટીયરિંગ કંટ્રોલ્સનો સમાવેશ થાય છે.
2. મારુતિ સુઝુકી અલ્ટો K10
અલ્ટો K10 ભારતની સૌથી વધુ વેચાતી નાની કારોમાંની એક છે અને GST ઘટાડા બાદ તે ₹3.69 લાખની આકર્ષક કિંમતથી શરૂ થાય છે. તેમાં 1.0-લિટર K10B એન્જિન છે જે 67 PS પાવર આપે છે. માઈલેજમાં આ કાર કિંગ છે, જેનો CNG વેરિઅન્ટ 33.85 km/kg સુધીની એવરેજ આપે છે. કંપનીએ હવે તેના ઉચ્ચ વેરિઅન્ટમાં 6 એરબેગ્સ, પાવર વિન્ડોઝ અને ડિજિટલ ઇન્સ્ટ્રુમેન્ટ ક્લસ્ટર જેવી સુવિધાઓ ઉમેરીને તેને વધુ સુરક્ષિત અને આધુનિક બનાવી છે.
3. રેનોલ્ટ ક્વિડ
જે ગ્રાહકો ઓછા બજેટમાં SUV જેવો દમદાર લુક ઇચ્છે છે, તેમના માટે રેનોલ્ટ ક્વિડ એક ઉત્તમ પસંદ છે. તેની કિંમત ₹4.29 લાખથી શરૂ થાય છે. 184 mm નું હાઇ ગ્રાઉન્ડ ક્લિયરન્સ અને મજબૂત બાહ્ય ડિઝાઇન તેને આકર્ષક બનાવે છે. તેમાં 1.0-લિટર SCe એન્જિન છે, જે 68 PS પાવર અને 91 Nm ટોર્ક ઉત્પન્ન કરે છે. આ કાર 22 kmpl સુધીની માઈલેજ આપે છે. ફીચર્સમાં 8-ઇંચની ટચસ્ક્રીન, રીઅર કેમેરા અને નવા મોડલ્સમાં 6 એરબેગ્સ જેવા મહત્વપૂર્ણ સેફ્ટી ફીચર્સ પણ સામેલ છે.
4. ટાટા ટિયાગો
ટાટા ટિયાગો તેની મજબૂત બિલ્ડ ક્વોલિટી અને ઉચ્ચ સુરક્ષા રેટિંગ માટે પ્રખ્યાત છે. GST માં ઘટાડા બાદ તેની શરૂઆતની કિંમત ₹4.57 લાખ થઈ ગઈ છે. આ કાર 1.2-લિટર રેવોટ્રોન એન્જિન સાથે આવે છે જે 86 PS નો પાવર આપે છે. તે પેટ્રોલ અને CNG બંને વિકલ્પોમાં ઉપલબ્ધ છે, જેમાં 23-26 kmpl ની માઈલેજ મળે છે. 7-ઇંચની ટચસ્ક્રીન, હરમન કાર્ડન સાઉન્ડ સિસ્ટમ અને હવે સ્ટાન્ડર્ડ 6 એરબેગ્સ સાથે, ટિયાગો એક કમ્પ્લીટ સેફ્ટી પેકેજ પૂરું પાડે છે.
5. મારુતિ સુઝુકી સેલેરિયો
મારુતિ સેલેરિયો ભારતની સૌથી વધુ ફ્યુઅલ-કાર્યક્ષમ કારોમાંની એક ગણાય છે. તેની પ્રારંભિક કિંમત ₹4.69 લાખ છે. તેનું 1.0-લિટર એન્જિન 67 PS પાવર અને 89 Nm ટોર્ક જનરેટ કરે છે. આ કારનો CNG વેરિઅન્ટ 34 km/kg સુધીની અદભૂત માઈલેજ આપી શકે છે. ફીચર્સની દ્રષ્ટિએ, તેમાં ક્લાઇમેટ કંટ્રોલ, 7-ઇંચ ટચસ્ક્રીન, 313-લિટરની મોટી બૂટ સ્પેસ અને નવા સલામતી ધારાધોરણો મુજબ 6 એરબેગ્સ જેવી સુવિધાઓ મળે છે.
Car loan Information:
Calculate Car Loan EMI