Toyota Hyryder: ભારતીય બજારમાં બજેટ ફ્રેન્ડલી હાઈબ્રિડ SUVની માંગ ઝડપથી વધી રહી છે. તેનું મોટું ઉદાહરણ ટોયોટા હાઈરાઈડર છે. આ મિડ-સાઈઝ SUV તેની હાઈબ્રિડ ટેક્નોલોજી, સ્ટાઈલિશ ડિઝાઇન અને શાનદાર માઈલેજ માટે લોકપ્રિય છે. ચાલો આ ગાડીના ફીચર્સ પર એક નજર કરીએ. ટોયોટા હાઈરાઈડરની કિંમત ભારતમાં 12.87 લાખ રૂપિયાથી શરૂ થઈને 23.46 લાખ રૂપિયા (એક્સ-શોરૂમ) સુધી જાય છે. ઓન-રોડ કિંમત રાજ્યના ટેક્સ અને વીમા મુજબ અલગ-અલગ હોઈ શકે છે.
Toyota Hyryder ના ફીચર્સ
Hyryder માં 9-ઇંચની ટચસ્ક્રીન ઇન્ફોટેનમેન્ટ સિસ્ટમ મળે છે, જે એન્ડ્રોઇડ ઓટો અને એપલ કારપ્લેને સપોર્ટ કરે છે. આની સાથે વાયરલેસ ચાર્જિંગ પેડ, USB પોર્ટ, ઓટોમેટિક ક્લાઈમેટ કંટ્રોલ અને 8-વે ઇલેક્ટ્રિક ડ્રાઈવર સીટ મળે છે. પેનોરેમિક સનરૂફ અને કનેક્ટેડ કાર ટેક્નોલોજી તેને પ્રીમિયમ ફિલ આપે છે.
Toyota Hyryder સેફ્ટી ફીચર્સની બાબતમાં પણ આગળ છે. તેમાં છ એરબેગ્સ, ABS સાથે EBD, ESC, 360-ડિગ્રી કેમેરા, હિલ હોલ્ડ અને હિલ ડિસેન્ટ કંટ્રોલ જેવા ફીચર્સ છે. સાથે જ, ટાયર પ્રેશર મોનિટરિંગ સિસ્ટમ (TPMS) અને ISOFIX ચાઇલ્ડ સીટ માઉન્ટ્સ પણ આપવામાં આવ્યા છે, જે ફેમિલી ડ્રાઇવિંગ માટે તેને ભરોસાપાત્ર બનાવે છે.
એન્જિન ઓપ્શન અને પર્ફોર્મન્સ
હાઈરાઈડર ત્રણ એન્જિન વિકલ્પો સાથે આવે છે, જેમાં 1.5-લિટર પેટ્રોલ માઈલ્ડ-હાઈબ્રિડ (K-Series), 1.5-લિટર સ્ટ્રોન્ગ-હાઈબ્રિડ (TNGA) અને 1.5-લિટર CNG એન્જિન સામેલ છે. આ તમામ એન્જિન અલગ-અલગ જરૂરિયાતો મુજબ સારું પર્ફોર્મન્સ અને બહેતર ઇંધણ કાર્યક્ષમતા (fuel efficiency) આપે છે.
Toyota Hyryder પોતાની માઈલેજને કારણે ખાસ છે. તેનું પેટ્રોલ માઈલ્ડ-હાઈબ્રિડ 19.39 થી 21.12 કિમી/લિટર, સ્ટ્રોન્ગ-હાઈબ્રિડ 27.97 કિમી/લિટર અને CNG વેરિઅન્ટ 26.6 કિમી/કિગ્રા (ARAI) સુધીની માઈલેજ આપે છે. ફૂલ ટેન્કમાં આ SUV અંદાજે 1200 કિલોમીટર સુધીનું અંતર કાપી શકે છે, જે તેને મધ્યમ વર્ગના પરિવારો માટે અત્યંત કિફાયતી બનાવે છે.
Toyota Hyryder માં લો મેન્ટેનન્સ કોસ્ટ, હાઈબ્રિડ ટેક્નોલોજી, શાનદાર માઈલેજ અને ટોયોટાની સર્વિસ ક્વોલિટીનું કોમ્બિનેશન મળે છે. આ સાથે પેનોરેમિક સનરૂફ, પ્રીમિયમ ઇન્ટિરિયર અને સેગમેન્ટમાં બેસ્ટ સેફ્ટી ફીચર્સ તેને ફેમિલી અને સિટી બંને પ્રકારના ડ્રાઇવિંગ માટે પરફેક્ટ SUV બનાવે છે. આ જ કારણ છે કે મધ્યમ વર્ગના ખરીદદારો તેને ઝડપથી અપનાવી રહ્યા છે.
Car loan Information:
Calculate Car Loan EMI