દેશના સૈનિકો માટે આ ગુજરાતીએ 1 કરોડ રૂપિયાનું દાન કર્યું

અવસરે કલેક્ટર હર્ષદભાઇ પટેલે જણાવ્યું હતું કે નેશનલ ડિફેન્સ ફંડમાં કોઇ એક સંસ્થા 1 કરોડ જેવી મોટી રકમનું દાન આપે તે વિરલ ઘટના છે. ઉમદા યોગદાન માટે સ્ટેટ બેન્ક ઓફ સૌરાષ્ટ્ર કર્મચારી પરિવાર અભિનંદનને પાત્ર છે. અંગત રીતે હું ગૌરવ અનુભવું છે.

સ્ટેટ બેન્ક ઓફ ઇન્ડિયાનાં જી.એમ રમેશકુમાર અગ્રવાલે પણ એસબીઆઇ કર્મચારી પરિવારની સરાહનાં કરી હતી. 1 કરોડનું દાન અપાયું તે બદલા પોતે પણ ગૌરવ અનુભવનતા હોવાનું જણાવી સેવાકીય પ્રવૃતિઓનાં પ્રણેતા જનાર્દનભાઇનો ખાસ આભાર મા્યો હતો.

કાર્યક્રમમાં જનાર્દનભાઇ દવેએ સ્ટેટ બેન્ક ઓફ સૌરાષ્ટ્રની પ્રવૃતિઓ વિષે વિગતવાર માહિતી આપી હતી. જનાર્દનભાઈ દવેના પત્ની પદ્માબહેનનાં હસ્તે નેશનલ ડિફેન્સ ફંડમાં દાનમાં આપવાની 1 કરોડની રકમનો ચેક કલેક્ટરને અર્પણ કરાયો હતો.

ભાવનગર: સ્ટેટ બેન્ક ઓફ સૌરાષ્ટ્ર કર્મચારી પરિવાર અને સ્ટેટ બેન્ક ઓફ ઇન્ડિયાની ભાવનગર સ્થિત વિભાગીય કચેરીના સંયુક્ત ઉપક્રમે આજે એસબીઆઇની નિલમબાગ ચોકમાં આવેલી ઝોનલ ઓફિસમાં કલેકટર હર્ષદભાઇ પટેલને નેશનલ ડિફેન્સ ફંડમાં રૂપિયા 1.2 કરોડની દાનની રકમનો ચેક અર્પણ કરવાનો કાર્યક્રમ યોજાઇ ગયો.