કર્ણાટકની ચૂંટણી પૂરી થતાં જ પેટ્રોલ-ડીઝલના ભાવમાં ભડકો, જાણો કેટલો થયો ભાવ વધારો

પેટ્રોલ અને ડીઝલમાં ભાવનો હવે દૈનિક રિવ્યૂ થાય છે. હાલમાં ક્રુડની કિંમતો પણ વધી રહી હોવાથી હવે આગામી દિવસોમાં જો સરકારે એક્સાઈઝ ડ્યૂટી ઘટાડવા અંગે કોઈ નિર્ણય ન લીધો તો પેટ્રોલ-ડીઝલમાં સતત ભાવવધારો થશે તે નક્કી મનાઈ રહ્યું છે.

મુંબઈ, બેંગલોર તેમજ અન્ય કેટલાક મોટા શહેરોમાં પેટ્રોલનો ભાવ હાલ 80 રુપિયા પ્રતિ લિટરથી પણ વધારે છે. જોકે, ક્રુડ ઓઈલના ભાવ જે ગતિએ વધી રહ્યા છે તેને જોતા જો સરકારે કોઈ પગલાં ન લીધા તો અમદાવાદ સહિગ ગુજરાતના અન્ય શહેરોમાં પણ પેટ્રોલનો ભાવ 75 રુપિયાની પાર જવામાં વધારે દિવસો નહીં લાગે. મહત્વનું છે કે, મુંબઈમાં પેટ્રોલનો આજનો ભાવ રૂપિયા 82.65 પ્રતિ લિટર ચાલી રહ્યો છે.

સુરતમાં તો પેટ્રોલ પહેલીવાર 74 રૂપિયાને પાર થઈ ગયું છે. 15 દિવસ સુધી 73.86 રૂપિયાની સપાટીએ સ્થિર રહ્યા બાદ પેટ્રોલ વધીને રૂપિયા 74.03ના સ્તરે પહોચ્યું છે. ડીઝલ પણ સુરતમાં 71 રુપિયાને પાર થયું છે. શહેરમાં આજનો ડીઝલનો ભાવ 71.01 રૂપિયા પ્રતિ લિટર છે. 10 એપ્રિલથી આજ સુધી ડીઝલમાં 1.31 રૂપિયાનો વધારો થઈ ચૂક્યો છે.

કર્ણાટકની ચૂંટણી પૂરી થતાં જ ડીઝલ પણ 70.56 રૂપિયાથી વધીને 70.82 રૂપિયા થઈ ગયું છે. મહત્વનું છે કે, આંતરરાષ્ટ્રી માર્કેટમાં ક્રુડ ઓઈલના ભાવમાં વધારો ચાલુ હતો, પરંતુ ચૂંટણીને કારણે દેશમાં પેટ્રોલ-ડીઝલના ભાવ સ્થિર હતા. જોકે, કર્ણાટકની ચૂંટણી પૂરી થતાં જ લોકો માટે કામ ચલાઉ રહેલ અચ્છે દિનનો અંત આવ્યો છે.

નવી દિલ્હીઃ પેટ્રોલ અને ડીઝળની કિંમતમાં વિતેલા 19 દિવસથી બ્રેક લાગી હતી. પરંતુ કર્ણાટકમાં મતદાન પૂરું થતા જ કિંમતમાં વધારો કરવામાં આવ્યો છે. સોમવારે ઓઈલ કંપનીઓએ પેટ્રોલ અને ડીઝલની કિંમતમાં વધારો કર્યો છે. કર્ણાટકમાં મતદાનના બે દિવસમાં થયેલા આ ભાવવધારા બાદ ડીઝલ 66ના આંકડા સુધી પહોંચી ગયું છે. જ્યારે દિલ્હીમં પેટ્રોલ 56 મહિનીની ટોચે પહોંચી ગયું છે. આ વધારાની સાથે જ ડીઝલ તેની સૌથી ઉચ્ચ સપાટીએ પહોંચી ગયું છે. અમદાવાદમાં પેટ્રોલનો જે ભાવ 73.75 રૂપિયા હતો, તે હવે વધીને 73.92 રૂપિયા થઈ ગયો છે.