Jioને ટક્કર આપવા એરટેલે લોન્ચ કર્યા ત્રણ ઓલ ઈન વન પેક, કિંમત 100 રૂપિયાથી પણ ઓછી

95 રૂપિયાના પેકમાં ફુલ ટોક ટાઇમ આપવામાં આવ્યો છે. લોકલ, એસટીડી અને લેન્ડલાઇન કોલ્સ માટે 1 પૈસા પ્રતિ બે સેકન્ડથી પૈસા લાગશે. આ પેકમાં 500 એમબી ડેટા મળે છે. પેકની વેલિડિટી 28 દિવસ છે.

66 રૂપિયાનું પેક પણ 28 દિવસની વેલિડિટી ધરાવે છે અને તેમાં યૂઝર્સને 65 રૂપિયાનો ફૂલ ટોક ટાઇમ મળે છે. ગ્રાહકોએ લોકલ, એસટીડી અને લેન્ડલાઇન કોલ માટે 1 પૈસા પ્રતિ સેકન્ડના દરથી પૈસા આપવા પડશે. આ પ્લાનમાં યૂઝર્સને 200 એમબી ડેટા પણ મળે છે.

35 રૂપિયાના પેકમાં 26.66 રૂપિયાનો ટોક ટાઇમ મળે છે. ગ્રાહકોને લોકલ, એસટીડી અને લેન્ડલાઇન કોલ્સ માટે 1 પૈસા પ્રતિ સેકન્ડના દરથી ચાર્જ આપવો પડશે. આ પેકમાં 100 એમબી ડેટા પણ મળે છે. પેકની વેલિડિટી 28 દિવસ છે.

નવી દિલ્હીઃ ટેલિકોમ ઓપરેટર એરટેલે ભારતમાં તેના પ્રીપેડ ગ્રાહકો માટે ત્રણ નવા પ્લાન્સ લોન્ચ કર્યા છે. આ પ્લાન્સ ગ્રાહકો તરફથી મળેલા ફીડબેક અને રિસર્ચ બાદ ડિઝાઇન કરવામાં આવ્યા હોવાનો કંપનીનો દાવો છે. આ પેકમાં ટોક ટાઇમ, ટેરિફ અને ડેટા બધું એક સિંગલ પેકમાં જ મળે છે. એરટેલના નવા પ્રીપેડ પેકની કિંમત 100 રૂપિયાની અંદર છે અને તેમાં અનલિમિટેડ કોલિંગ, મફ્ત નેશનલ રોમિંગ અને ફ્રી એસએમએસ પણ મળે છે.