Airtelનો નવો ધમાકો, માત્ર 2.26 રૂપિયામાં મળશે 1 GB ડેટા
નવી દિલ્હીઃ જિઓને ટક્કર આપવા માટે એરટેલે નવો પ્લાન લોન્ચ કર્યો છે. એરટેલ 558 રૂપિયાવાળું નવું પ્રીપેડ પેક લઈને આવ્યું છે જેમાં યૂઝરને કુલ 82 દિવસ સુધી 246 જીબી ડેટા મળશે. નવા પેકમાં અનલિમિટેડ કોલ, 100 એસએમએસનો લાભ 82 દિવસ સુધી મળશે. આ પ્લાન હાલ તો કંપનીએ દિલ્હી-એનસીઆર સર્કલમાં લોંચ કર્યો છે જે ટૂંક સમયમાં પાન ઇન્ડિયા માટે રજૂ કરવામાં આવશે. આ પ્લાન દ્વારા કંપની જિયોના 498 રૂપિયાના પ્લાનને ટક્કર આપવા માગે છે.
જિયો પોતાના આ પ્લાનમાં 91 દિવસની વેલેડિટી સાથે 498 રૂપિયામાં 182 જીબી ડેટા એટલે કે પ્રતિ દિવસ 2GB ડેટા આપે છે. તેની સામે એરટેલ પ્રતિ દિવસ 3 GB ડેટા આપે છે. આ સાથે યુઝરને અનલિમિટેડ લોકલ, એસટિડી અને નેશનલ રોમિંગ તેમજ 100 લોકલ અને STD એસએમએસ પ્રતિદિન ફ્રી ઓફર કરવામાં આવ્યા છે.
તો જિયોના પ્લાનમાં 91 દિવસ માટે 182 જીબી એટલે પ્રતિ દિવસ 2 જીબી ડેટા અને 498 રૂપિયા અનુસાર પ્રતિ 1 જીબી ડેટા 2.73 રૂપિયામાં મળે છે. ઉલ્લેખનીય છે કે જિયો અને એરટેલ વચ્ચે હાલ પ્રાઇસ વોર શરું છે જેના ભાગ રુપે બંને કંપનીઓ એકબીજાથી સસ્તા પ્લાન લોંચ કરી રહી છે.
એરટેલના પ્લાનમાં પ્રતિદિવસની ડેટા લિમિટ ક્રોસ થયા બાદ યુઝર્સને 128kbpsની સ્પીડે ડેટા મળશે. એરટેલના આ પ્લાનમાં કુલ 246 જીબી હાઈ સ્પીડ ડેટા મળી રહ્યો છે. એટલે કે પ્રતિ જીબી ડેટા 2.26 રૂપિયામાં યુઝર્સને પડી રહ્યો છે.