Airtelની 'બોનસ 30 GB' ઓફરઃ પોસ્ટપેડ ગ્રાહકોને ફ્રીમાં મળશે 30 જીબી ડેટા

નવી દિલ્હીઃ રિલાયન્સ જિઓ આવ્યા બાદ ટેલીકોમ સેક્ટરમાં અઘોષિત સેલ ચાલી રહ્યું છે. ગ્રાહકોને ફ્રીમાં ડેટા આપવાનો સિલસિલો જારી છે. જિઓને ટક્કર આપવા માટે એરટેલે પોતાના નવા પોસ્ટપેડ ગ્રાહકો માટે નવી સ્કીમની જાહેરાત કરી છે. કંપનીનો નવો પ્લાન બોનસ 30 જીબી છે.

આ પ્લાન અંતર્ગત ગ્રાહકોને ત્રણ મહિના માટે કુલ 30 જીબી ડેટા ફ્રીમાં મળશે. દર મહિને 10 જીબી ડેટા પ્રમાણે મળશે. ટેલીકોમ કંપનીની વેબસાઈટ પરથી નવો પોસ્ટપેડ કનેક્શન લેનાર ગ્રાહકોને એરટેલ 30 જીબી ડેટા આપશે. સાથે જ સિમની ડિલિવરી ફ્રીમાં કરશે.

વેબસાઈટ અનુસાર, એરટેલની બોનસ 30 જીબી ઓફર 299 રૂપિયાવાળા પ્લાન ઉપરાંત તમામ પોસ્ટપેડ પ્લાનની સાથે પણ મળશે. ફ્રીમાં કુલ 30 જીબી ડેટા મળશે. જો એક મહિનામાં આપવામાં આવેલ 10 જીબી ગ્રાહક ઉપયોગ ન કરી શકે તો વધેલ ડેટા આવતા મહીનાના પ્લાનમાં એડ કરવામાં આવશે. ફ્રી ડેટા મેળવવા માતે તમારે 499, 649, 799 અને 1,199 રૂપિયાવાળા પોસ્ટપેડ પ્લાનમાંથી એકની પસંદગી કરવાની રહેશે.