કેન્દ્ર સરકારે કાર પર વધારી દીધો GST, જાણો કઈ કઈ થશે કાર મોંઘી અને કઈ કારના ભાવ નહીં વધે ?

ઘણી કંપનીઓએ જીએસટી લાગુ થવાથી તેમની બ્રાન્ડ પર ટેક્સથી બચવા માટે ડિરજિસ્ટ્રેશન કરાવવા માંડી છે કે વિચારી રહી છે. આ રીતે ટેક્સથી ન બચી શકે તે માટે ડિરજિસ્ટ્રેશન માટેની કટ-ઓફ તારીખ ૧૫ મે, ૨૦૧૭ નક્કી કરી દેવાઈ છે. આમ, ત્યાર પછી બ્રાન્ડનું રજિસ્ટ્રેશન રદ કરાવ્યું હશે તો પણ કંપની ટેક્સમાંથી છટકી નહીં શકે.

એ જ રીતે મોટી કારને ૮ ટકાનો ફાયદો હતો જેમાં સેસ પાંચ ટકા વધારી દેવાયો છે. એસયુવીને ૧૧ ટકાનો લાભ હતો, જેમાં સેસ સાત ટકા વધારાયો છે. આ સાથે તેમણે કહ્યું કે ૧૦થી વધુ અને ૧૩થી ઓછી બેઠક ક્ષમતાવાળા વાહનો અને હાઈબ્રીડ કાર પર સેસમાં કોઈ ફેરફાર કરાયો નથી.

હૈદરાબાદઃ ગુડ્ઝ એન્ડ સર્વિસ ટેક્સ (જીએસટી)ના અમલને હજુ માંડ અઢી મહિના થયા નથી ત્યાં કેન્દ્ર સરકારે મધ્યમ કદની અને લકઝરી કાર તથા એસયુવી પર સેસમાં વધારો કરવાનો નિર્ણય લેતાં આ કારો મોંઘી થશે. જીએસટી કાઉન્સિલની શનિવારે મળેલી બેઠકમાં આ સેગમેન્ટની કાર પર બેથી સાત ટકા સેસ લાગુ કરાયો છે.

હાઈબ્રીડ કાર પર પણ વધારાનો ટેક્સ નહીં લાગે. જેટલીએ કહ્યું કે સ્મોલ પેટ્રોલ-ડીઝલ કારને જીએસટી લાગુ થયા પછી 3 ટકાનો ટેક્સનો ફાયદો મળી રહ્યો છે છતાં તેમાં વધુ ટેક્સ નહીં નંખાય. તેમણે કહ્યું હતું કે મિડ સેગમેન્ટની કાર પર કુલ ટેક્સ ૪૮ ટકાથી ઘટીને ૪૩ ટકા થયો હતો. તેમાં બે ટકા સેસ વધારાતાં કુલ ટેક્સ ૪૫ ટકા થયો છે.

મોટી કાર પર પાંચ ટકા (૨૦ ટકાથી ૨૫ ટકા) અને એસયુવી પર સાત ટકા સેસ (૪૩ ટકાથી ૫૦ ટકા) લાગશે. આમ, આ ત્રણેય સેગમેન્ટની કાર પર કુલ ટેક્સ જીએસટી પહેલાં જેટલો હતો એટલો થઈ ગયો છે. જો કે ૧૨૦૦ સીસી સુધીની સ્મોલ પેટ્રોલ કાર અને ડીઝલ કાર પર વધારાનો ટેક્સ ન નાખવાનો નિર્ણય લેવાયો હતો.

જોકે, સ્મોલ કાર અને હાઈબ્રીડ કાર પર કોઈ સેસ લાગુ નહીં પડે. આમ, નાની સાઈઝની કાર ખરીદનારાઓને રાહત મળી છે પણ અઆ વધારાથી કારના ભાવ પહેલાં જેટલા જ થઈ જશે. નાણામંત્રી અરુણ જેટલીએ ૮ કલાક ચાલેલી કાઉન્સિલની બેઠક બાદ કહ્યું હતું કે મિડ સાઈઝ કાર પર બે ટકા સેસ (૧૫ ટકાથી ૧૭ ટકા) લાગુ કરાયો છે.