પેટ્રોલમાં ઉઘાડી લૂંટઃ જાણો કેવી રીતે 26ના પેટ્રોલના 70 રૂપિયા થઈ જાય છે

દિલ્હીની વાત કરીએ તો ત્યાં પેટ્રોલની કિંમત 70 રૂપિયા 38 પૈસાની આસપાસ છે. એક લિટર પેટ્રોલ રિફાઈનરીમાંથી ખરીદવા પર 26.65 રૂપિયા ચૂકવવા પડે છે. તેના પર 4.5 રૂપિયા માર્કેટિંગ માર્જિન ખર્ચ આવે છે. તેની સાથે જ તેના પર 21.48 રૂપિયા કેન્દ્રિય ટેક્સ એટલે કે એક્સાઈઝ ડ્યૂટી લાગે છે.

આમ કુલ 52 રૂપિયા 18 પૈસા થાય છે. હવે તેના પર ડીલરનું કમીશન 3.24 રૂપિયા લાગે છે અને બાદમાં રાજ્ય સરકાર તેના વર 14.96 રૂપિયા વેટ લગાડે છે. (નોંધઃ રાજ્યવાર વેટની ટકાવારીમાં ફેરફાર હોઈ શકે છે જેના કારણે ભાવ પણ દરેક રાજ્યમાં અલગ અલગ જોવા મળે છે.) આમ 26.65 રૂપિયામાં રિફાઈનરીમાંથી ખરીદવામાં આવતું પેટ્રોલ તમારી પાસે પહોંચતા 70 રૂપિયા થઈ જાય છે.

મોદી સરકારના આવ્યા બાદથી આંતરરાષ્ટ્રીય બજારમાં ક્રૂડની કિંમતમાં 53 ટકા સુધીનો ઘટાડો થયો છે, પરંતુ પેટ્રોલ ડીઝલની કિંમત ઘટવાને બદલે ખૂબ જ વધી ગઈ છે. કિંમત વધવા પાછળનું મુખ્ય કારણ ત્રણ વર્ષ દરમિયાન સરકારે પેટ્રોલ અને ડીઝલ પર એક્સાઈ ડ્યૂટીમાં અનેક ગણો વધારો કરવાનું છે.

નવી દિલ્હીઃ પેટ્રોલ અને ડીઝલની કિંમત વર્ષ 2014 બાદ એટલે કે ત્રણ વર્ષની ટોચની સપાટીએ પહોંચી ગયા છે. આંતરરાષ્ટ્રીય બજારમાં ક્રૂડની કિંમત ત્રણ વર્ષ પહેલા કરતાં અડધી થઈ ગઈ છે, તેમ છતાં દેશમાં પેટ્રોલ ડીઝલની કિંમતમાં સદદ વધારો જોવા મળી રહ્યો છે. મુંબઈમાં તો પેટ્રોલની કિંમત 80 રૂપિયા પ્રતિ લિટરની આસપાસ પહોંચી ગઈ છે.

એક અંદાજ મુજબ પેટ્રોલ પર ડ્યૂટી 10 રૂપિયાથી વધીને 22 રૂપિયા થઈ ગઈ છે. અમે તમને અહીં જણાવીએ છીએ કેવી રીતે 27 રૂપિયા લિટરે મળતા પેટ્રોલ તમારી પાસે આવતા આવતા 70થી 80 રૂપિયા થઈ જાય છે.