હવે દેશની આ મોટી ટેલીકોમ કંપનીએ લોન્ચ કર્યો નવો અનલિમિટેડ કોલિંગ અને FREE ડેટા પ્લાન

આ પેકની સાથે નવા 4જી હેન્ડસેટ પર રિચાર્જ કરનારા ગ્રાહકોને 3જીબીનો વધારાનો ડેટા મળશે. તેની વેલિડિટી 28 દિવસની રહેશે. 365 દિવસમાં વધુમાં વધુ 13 રિચાર્જ પર આ લાભ લઈ શકાશે.

આ ઓફર અંતર્ગત હાલના પ્રીપેડ 4જી હેન્ડસેટ ધરાવતા ગ્રાહકોને 348 રૂપિયાના રિચાર્જ પેક પર 1 જીબી ફ્રી ડેટા મળશે. ઉપરાંત તેને અનલિમિટેડ વોયસ કોલિંગ અને એસએમએસની સુવિધા પણ મળશે.

આઈડિયાએ એક નિવેદનમાં કહ્યું કે, તમામ ગ્રાહકોને પ્લાનની સાથે ફ્રી ડેટા આપવામાં આવશે. જ્યારે 4જી હેન્ડસેટવાળા ગ્રાહકોને નવા પ્લાનમાં વધારે ડેટાનો લાભ મળશે.

નવી દિલ્હીઃ દેશની સૌથી મોટી ટેલીકોમ કંપની એરટેલ દ્વારા કેટલાક પ્લાનમાં 4જી ડેટાની મર્યાદા વધાર્યાના એક સપ્તાહ બાદ તેની પ્રતિસ્પર્ધી કંપની આઈડીયાએ અનલિમિટેડ કોલિંગ પ્લાનમાં ડેટા ઉપયોગની મર્યાદામાં વધારો કરવાની જાહેરાત કરી છે. ઉપરાંત 4જી હેન્ડસેટમાં અપગ્રેડ થનારા ગ્રાહકોને 3જીબીનો વધારાનો મોબાઈલ બ્રોડબેન્ડ ઉપલબ્ધ કરાવવામાં આવશે.